"हात जोडते पण मास्क लावा"; महापौर पेडणेकर ग्राऊंडवर | Sakal
sakal

बोलून बातमी शोधा

Kishori Pednekar
"हात जोडते पण मास्क लावा"; महापौर पेडणेकर ग्राऊंडवर

"हात जोडते पण मास्क लावा"; महापौर पेडणेकर ग्राऊंडवर

राज्यात कोरोना रुग्णांची (Covid19) संख्या दिवसेंदिवस वाढत जात आहे. त्यातच आता ओमिक्रॉनचंही (Omicron) आव्हान आरोग्य यंत्रणेसमोर आहे. याच पार्श्वभूमिवर राज्यात निर्बंध लागू करण्यात आले आहेत. मुंबईच्या महापौर किशोरी पेडणेकर (Kishori Pednekar) यांनी स्वत:हून गर्दीच्या ठिकाणी जाऊन आढावा घेतला. त्यांनी लोकांना मास्क घाला अशी विनंती देखील केली. राज्यात निर्बंध लावल्यानंतर विरोधकांकडून काही प्रश्न उपस्थित केले गेले. त्यावर देखील महापौर पेडणेकरांनी उत्तर दिलं.

हेही वाचा: कोरोनाचा धसका; पंतप्रधान मोदींनी रद्द केला पुणे दौरा

हेही वाचा: ...तर खासगी रुग्णालयाची मान्यता होणार रद्द

एकीकडे मुंबईमध्ये रुग्णांची संख्या मोठ्या प्रमाणात वाढली असताना अनेक सार्वजनिक ठिकाणी मुंबईकर मात्र गर्दी करताना दिसून येतात . अशातच गेटवे परिसरात जाऊन महापौर किशोरी पेडणेकर यांनी स्वतः आढावा घेतला आहे त्याच प्रमाणे पोलिसांनाही काही सूचना किशोरी पेडणेकर यांनी केल्या आहेतत जोडून विनंती केली. तसंच गर्दी टाळा असंही आवाहन केलं.

राज्यात निर्बंध लावल्यानंतर विरोधकांकडून काही प्रश्न उपस्थित केले गेले. त्यावर देखील महापौर पेडणेकरांनी उत्तर दिलं. तुम्ही बाहेरच्या पायरीवर बसून नारेबाजी करता. पायरीवर येऊन तुम्हाला विश्वासात घ्यायचं का? केंद्राची टीम, तज्ज्ञांची टीम ही मुख्यमंत्र्यांच्या घरातली नाही. ती तज्ज्ञ टीम सांगते त्यावर चर्चा होते त्यानंतर नियम लावले जातात. मुख्यमंत्री त्याला मान्यता देतात, मी बसणार पायरीवर आणि सभागृह आत चालणार, मग बोलणार विश्वासात घेतलं नाही. तुम्ही पायरीवर बसू नका आत बसा आणि चर्चा करा असं म्हणत पेडणेकरांनी विरोधकांचा समाचार घेतला.

हेही वाचा: संसर्ग अधिक, आजार सौम्य; ओमिक्रॉन झाल्यास अशी घ्या काळजी

"कोरोना विषाणूशी लढतांना आपल्याला दोन वर्षे झाली आहेत. या काळात आपण संसर्गाचा मोठ्या दोन लाटा अनुभवल्या आणि काळजीपूर्वक पाऊलं उचलत त्या रोखल्या सुद्धा. मात्र आता आपलं रूप बदलून आलेल्या विषाणूच्या संसर्गाचा वेग खूप जास्त आहे, म्हणूनच तो किती धोकादायक आहे किंवा नाही यावर चर्चा न करता या संसर्गाला लवकरात लवकर थोपवणे गरजेचे आहे, अन्यथा आपल्या आरोग्य यंत्रणेवर कमालीचा ताण येऊ शकतो." असं म्हणत मुख्यमंत्री उद्धव ठाकरे यांनीही नियमांचं पालन करण्याचं आवाहन केलंय.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :kishori pednekar
loading image
go to top