मुंबई: उपनगरी रेल्वे मार्गावरील रुळांची दुरुस्ती तसेच सिग्नल यंत्रणेतील तांत्रिक कामांसाठी रविवारी (ता. ९) मध्य रेल्वे मार्गांवर मेगाब्लॉक घेण्यात येणार आहे. मध्य रेल्वेचा माटुंगा-मुलुंड अप आणि डाऊन जलद मार्ग, तर हार्बर मार्गावरील सीएसएमटी-चुनाभट्टी, वांद्रे अप आणि डाऊन मार्गावर हा ब्लॉक घेण्यात येणार आहे. तर पश्चिम रेल्वेवर दिवसा कोणताही मेगाब्लॉक घेण्यात आला नाही.