उद्या मुंबईत लोकलने प्रवास करण्याचा विचार करताय. तुमच्यासाठी ही महत्वाची बातमी...

मुंबई : उपनगरी रेल्वेमार्गावर रुळांची दुरुस्ती आणि तांत्रिक कामांसाठी रविवारी (ता. 22) तिन्ही मार्गावर मेगाब्लॉक घेण्यात येणार आहे. माटुंगा ते मुलुंडदरम्यान "डाऊन' जलद मार्ग, सीएसएमटी-चुन्नाभट्टी-वांद्रे मार्ग आणि बोरिवली ते भाईंदर या मार्गांवर देखभाल-दुरुस्तीची कामे करण्यात येतील. या मेगाब्कॉकमुळे रविवारी प्रवाशांची गैरसोय होणार आहे. 

मध्य रेल्वे 
कुठे : माटुंगा ते मुलुंड स्थानकांदरम्यान "डाऊन' जलद मार्गावर. 
कधी : रविवारी सकाळी 10.30 ते दुपारी 3 वाजेपर्यंत. 
परिणाम : या स्थानकांदरम्यान "डाऊन' जलद लोकल धीम्या मार्गावर. मेल/एक्‍स्प्रेस आणि लोकल सुमारे 20 मिनिटे विलंबाने. 

हार्बर मार्ग 
कुठे : सीएसएमटी ते चुनाभट्टी/वांद्रे स्थानकांदरम्यान "अप' आणि "डाऊन' मार्गांवर. 
कधी : रविवारी सकाळी 11.10 ते दुपारी 4.10 वाजेपर्यंत. 
परिणाम : सीएसएमटी-वाशी/बेलापूर/पनवेल/गोरेगाव या स्थानकांदरम्यान लोकल सेवा बंद. कुर्ला ते पनवेल विशेष लोकल. 

पश्‍चिम रेल्वे 
कुठे : बोरिवली ते भाईंदर स्थानकांदरम्यान "अप' आणि "डाऊन' धीम्या मार्गावर. 
कधी : रविवारी सकाळी 11 ते दुपारी 3 वाजेपर्यंत. 
परिणाम : धीम्या मार्गावरील रेल्वे वाहतूक जलद मार्गावर. काही लोकल रद्द. 

Megablock tomorrow on all three railroads