मुंबई : डिसेंबर-जानेवारीत मेट्रोची चाचणी

मुंबई : राज्य सरकारने तात्पुरत्या स्वरूपात मेट्रो ट्रेनच्या चाचणीकरिता व ट्रेन पार्क करण्यासाठी सुविधा निर्माण करण्याची परवानगी दिली आहे. त्यामुळे कुलाबा-वांद्रे सीप्झ मेट्रो-३ भुयारी मार्गावरील पहिली आठ डब्यांची ट्रेन या वर्षअखेरीस मुंबईत दाखल होणार आहे. हे आठ डबे स्वतंत्रपणे मुंबईत आणले जातील व त्यांचे एकत्रीकरण केले जाईल. या प्रक्रियेला किमान दोन आठवडे लागतील आणि त्यानंतर पहिल्या ट्रेनच्या चाचणीस सुरुवात होईल. त्यामुळे डिसेंबर-जानेवारीमध्ये मेट्रो-३ च्या चाचण्या होण्यास सुरुवात होईल.

मेट्रो-३ बावत आतापर्यंत खूप राजकारण झाले असून चाचणी कधी होणार, असे प्रश्न मुंबईकरांना पडले आहेत. सरकारने चाचणीकरिता व ट्रेन पार्क करण्यासाठी सुविधा निर्माण केल्याने मेट्रो-३ ची चाचण्या भुयारी भागास आणि भूपृष्ठभागावर जोडण्यासाठी तयार करण्यात आलेल्या रॅम्पच्या मुखाशी होणार आहे.