म्हाडा, 'एसआरए'तील आरोग्य सेवेत सुधारणा; कोरोनाच्या पार्श्वभूमीवर गृहनिर्माण मंत्र्यांचा पुढाकार

मुंबई : महाराष्ट्र गृहनिर्माण व क्षेत्रविकास प्राधिकरण (म्हाडा) व झोपडपट्टी पुनर्वसन प्राधिकरण (एसआरए) वसाहतींमधील आरोग्य सेवा सुधारीत करण्याबाबत महाराष्ट्र गृहनिर्माण मंत्री जितेंद्र आव्हाड यांनी काही महत्वपूर्ण पाऊल उचले आहेत. यासाठी गृहनिर्माण विभागाकडून मधुमेह तज्ज्ञ आणि वैद्यकीय संशोधक डॉ. शशांक जोशी यांच्या मार्गदर्शनाखाली उपाययोजना आखणार आहेत .

लॉकडाऊन : केंद्र सरकारच्या आदेशामुळे 'लघुउद्योग' संकटात, न्यायालयात याचिका

या शिफारसींनंतर गृहनिर्माण विभाग 60 दिवसांच्या आत आरोग्य पायाभूत सुविधा सुरु करण्यात येईल, असे अधिकाऱ्यांकडून सांगण्यात आले. 
मुंबईत सध्या कोरोना विषाणू सर्वत्र पसरलेला आहे. कोरोना विषाणूचा हा धोका लक्षात घेऊन आरोग्य सेवा आवश्यक आहे. यासाठी गृहनिर्माणमंत्री यांनी म्हाडा आणि एसआरए वसाहतींमध्ये क्लिनिक आणि त्यासंबंधित आरोग्यविषयक पायाभूत सुविधा उभारण्याचे उद्दिष्ट ठेवले आहे. यामुळे वसाहतीतील रहिवाशांना प्राथमिक उपचार घेता येईल. तसेच म्हाडा आणि 'एसआरए' वसाहतींमध्ये क्लिनिक, प्रयोगशाळा आणि आवश्यक आरोग्य सुविधा उभारण्याचा धोरणात्मक निर्णय असेल. 

ब्रेकिंग - आयुर्वेदिक, होमियोपेथिक, युनानी, योग चिकित्सा पद्धतीबाबत सरकारने घेतला मोठा निर्णय

म्हणून आरोग्यसेवा महत्वाची
मुंबईतील म्हाडा वसाहतीमधील 197 तर 'एसआरए'मधील 100 हून अधिक नागरिकांना कोरोनाची बाधा झाली आहे. त्यामुळे भविष्यात आणखी रुग्ण वाढू नये, म्हणून म्हाडा आणि एसआरए वसाहतीमध्ये आरोग्यसेवा असणे गरजेचे आहे, अशी माहिती म्हाडाच्या अधिकाऱ्यांनी दिली .