मीरारोड दुहेरी हत्याकांडातील आरोपी गजाआड; हत्येचं कारण ऐकून बसेल धक्का

मुंबई- लॉकडाऊनच्या काळात मुंबईतल्या मीरारोडमध्ये दुहेरी हत्याकांड झाल्याचा धक्कादायक प्रकार समोर आला होता. या दुहेरी हत्याकांडातील आरोपीला पोलिसांनी 12 तासातच गजाआड केलं आहे. बारमधील दोन कर्मचाऱ्यांची हत्या करुन फरार झालेला आरोपी वेटर कल्लू यादव याला पोलिसांनी अटक केली आहे. 35 वर्षीय आरोपीला पुण्यातून गजाआड केलं आहे. आरोपी शबरी बार आणि रेस्टॉरंटमध्ये काम करायचा. हत्या केलेल्या दोन्ही कर्मचाऱ्यांचे मृतदेह बारच्या पाण्याच्या टाकीत कुजलेल्या अवस्थेत आढळले. 

खासगी रुग्णालयांवर नियंत्रण ठेवण्यासाठी पालिकेचा नवा उपाय; 'हे' अधिकारी ठेवणार लक्ष... 

अटक केलेला आरोपी कल्लू यादव मूळचा उत्तर प्रदेशचा आहे. हॉटेलचा मॅनेजर साधे जेवण देत असल्याच्या रागातून आरोपीनं मॅनेजरसह अन्य एकाची हत्या केल्याची माहिती पुढे आली आहे. त्याने मॅनेजर आणि दुसर्‍या वेटरवर फावडानं हल्ला केला आणि त्या दोघांची हत्या केली. 

मृतांमध्ये बार मॅनेजर हरीश शेट्टी (वय 42) आणि वेटर नरेश पंडित (वय 58) यांचा समावेश आहे. मालाड येथील गंगाधर पय्याडे यांचे मिरारोड पूर्वेकडे शबरी बार-रेस्टॉरंट असून लॉकडाऊनमुळे सध्या ते बंद आहे. काही कामगार गावी निघून गेल्याने सध्या हॉटेलमध्ये मॅनेजर हरीश शेट्टी याच्यासह नरेश पंडित आणि कल्लू यादव हे तिघेच होते. 

वैद्यकीय अभ्यासक्रमाच्या परीक्षांचे वेळापत्रक जाहीर; जाणून घ्या तारखा...

ठाणे ग्रामीणचे पोलिस अधीक्षक शिवाजी राठोड म्हणाले की, ही घटना उघडकीस आल्यानंतर यादवचा शोध घेण्यासाठी पोलिसांनी तीन वेगवेगळी पथके स्थापण्यात आली होती. आरोपी कल्लू पुण्यात असल्याची माहिती मिळताच, पोलिसांनी तात्काळ पुण्यात धडकून त्याला अटक केली.

कल्लू यादववर याआधीही गुन्हे दाखल आहेत. आरोपीविरुद्ध कोलकाता येथे हत्येचा, तसेच पुण्यातील स्वारगेट पोलिस ठाण्यात मारामारी आणि दारूबंदी कायद्याखाली गुन्हा दाखल असल्याची माहिती पोलिसांनी दिली. कोलकातामध्ये त्यानं दोन वॉचमनची हत्या केली होती.

मुंबई महापालिकेचा 'तो' डॅशबोर्ड 'Not Working'!

मॅनेजर शेट्टी हा स्वतःसाठी हॉटेलमधून चांगले जेवण मागवायचा. बाहेरुन ऑर्डर केलेले जेवण स्वतः आणि पंडीतला द्यायचा. कल्लूला साधे ज‌ेवण देत असल्याने त्यांच्यात बाचाबाची झाली होती. 30 मे रोजी शेट्टी आणि पंडीत यांनी बारमध्येच मदयपान केलं होते. त्यानंतर ते झोपले होते. त्यावेळी या दोघांवर झोपेत असताना फावड्याने हल्ला करत त्यांची हत्या केली, नंतर मृतदेह पाण्याच्या टाकीत टाकून त्यांचे मोबाइल घेऊन पळून गेला, अशी माहिती पोलिसांनी दिली. दरम्यान  शेट्टी आणि पंडित यांनी कल्लू याला मारहाणही केली होती, अशीही माहिती पोलिसांनी दिली.