'चक्री वादळाला लाजवेल असा दौऱ्याचा वेग होता' खरच BEST C M

मुंबई: मुख्यमंत्री उद्धव ठाकरे यांनी काल एकदिवसाचा कोकण दौरा केला. तौक्ते चक्रीवादळाचा (Taukte cyclone) तडाखा बसलेल्या रत्नागिरी आणि सिंधुदुर्ग जिल्ह्यांची (kokan tour) त्यांनी पाहणी केली. "विरोधकांनी कितीही टीका केली तरी मी कोकणवासियांना वाऱ्यावर सोडणार नाही. पंचनाम्याची प्रक्रिया अंतिम टप्प्यात आहे. नुकसान भरपाईवर दोन दिवसात निर्णय घेऊ" अशी माहिती मुख्यंत्र्यांनी उद्धव ठाकरे (CM Uddhav Thackeray) यांनी दिली. (Mns sandeep deshpande salm chief minister uddhav thackeray over kokan tour)

पंचनामे पूर्ण होताच मदती संदर्भात निर्णय घेणार असे आश्वासन मुख्यमंत्री उद्धव ठाकरे यांनी कोकण दौऱ्यात दिले. "मी वैफल्यग्रस्त नाही, मी येथे दुःख जाणून घ्यायला आलो आहे. दिलासा देण्यासाठी आलो आहे. फोटोसेशनसाठी नाही" असा सणसणीत टोला मुख्यमंत्री उद्धव ठाकरे यांनी विरोधी पक्षनेते देवेंद्र फडणवीस यांना लगावला.

उद्धव ठाकरेंच्या या दौऱ्यावर मनसेचे सरचिटणीस आणि नेते संदीप देशपांडे यांनी उपरोधिक टोला लगावला आहे. 'चक्री वादळाला लाजवेल असा तुमच्या दौऱ्याचा वेग होता. पुराणकाळात देवी देवता वगैरे मनोवेगाने फिरायचे तसे तुम्ही फिरलात' असे संदीप देशपांडेंनी आपल्या टि्वटमध्ये म्हटले आहे.

राणेंचं घर पहायला मुख्यमंत्री आले होते का?

भाजपा आमदार नितेश राणे यांनी सुद्धा मुख्यमंत्री ठाकरेंच्या दौऱ्यावर टीका केली आहे. सिंधुदुर्ग दौऱ्यावर (sindhurdurg district) आलेले मुख्यमंत्री (CM uddhav thackeray) कुठल्याही नुकसानग्रस्तांना भेटले नाहीत की एक रूपयाचे पॅकेज जाहीर केले नाही. त्यामुळे त्यांच्या या दौऱ्याने सिंधुदुर्गवासीयांची घोर निराशा झाली आहे. चिवला बीचवर राणेंच घर पहायला मुख्यमंत्री आले होते का? असाही टोला नितेश राणे (nitesh rane) यांनी लगावला.