Mokhada tribal children balpanchayat ministry visit initiative
esakal
मोखाडा : ता. पालघर जिल्ह्यातील मोखाड्यासारख्या आदिवासी अतिदुर्गम भागातील शाळकरी बालकांना लोकशाही प्रणालीची माहीती व्हावी म्हणून परिवर्तन महिला संस्थेने त्यांना निवडणुकीचे धडे दिले. त्यातुन त्यांची निवडणूक घेत बालपंचायत स्थापन केली. बालवयातच त्यांना मंत्रालय तसेच मंत्र्यांच्या प्रत्यक्ष भेटीचा व संवादाचा अनुभव यावा म्हणून परिवर्तन महिला संस्थेने या बालपंचायतीची मंत्रालय वारी घडवून आणण्याचा अनोखा उपक्रम राबविला आहे.