Lockdown : पोलिसांवर हल्ले करणाऱ्या 300 पेक्षा अधिक जणांना अटक

अंधेरी : कोरोना संसर्गाला आटोक्यात आणण्यासाठी प्रशासनातर्फे लाॅकडाऊनची काटेकोर अंमलबजावणी केली जात आहे; मात्र या अंमलबजावणीची जबाबदारी असणाऱ्या पोलिसांवरच या काळात नेहमीपेक्षा अधिक हल्ले झाले. लाॅकडाऊनमध्ये पोलिसांवर हल्ला करणाऱ्या अशा 363 जणांना आतापर्यंत अटक केले आहे, अशी माहिती गृहमंत्री अनिल देशमुख यांनी दिली; तर लॉकडाऊनचे उल्लघंन केल्याप्रकरणी 95 हजार गुन्हे दाखल झाल्याचेही त्यांनी सांगितले. 

महत्वाची बातमी : यंदा पावसाळ्यात मुंबईकरांना कोरोनासोबत 'या' परिस्थितीचा देखील करावा लागणार सामना?

जीवाची पर्वा न करता अत्यावश्यक सेवेतील कर्मचारी कोरोनाशी लढत आहे; मात्र काही दुष्टप्रवृत्तीचे लोक या त्यांच्यावर हल्ला करत आहे. अशा प्रवृत्तींना ठेचून काढून कठोर कारवाई करण्याचे आदेश पोलिस विभागाला दिल्याचे गृहमंत्री अनिल देशमुख यांनी सांगितले.

लाॅकडाऊन काळातील महत्वाची आकडेवारी 

• पोलिसांवर हल्ला केल्याच्या 184 घटना.
• एकूण 363 हल्लेखोरांना अटक
• लॉकडाऊन उल्लघंनाचे  96 हजार गुन्हे दाखल 
• एकूण 18 हजार 722  जणांना अटक 

दंडात्मक कारवाई

• 3 कोटी 51 लाख 38 हजार 694 रुपये वसूल 
• लॉकडाऊन काळात 100 नंबरवर तब्बल 84 हजार 945 नागरिकांचे कॉल 
• हातावर क्वारंटाईनचा शिक्का घेऊन फिरणाऱ्या 642 लोकांना पोलिसांनी हुडकून काढून त्यांना विलगिकरण कक्षात पाठवले 
• कोरोना रुग्णाच्या संपर्कात आलेल्या 2 लाख 11 हजार 538 लोकांना क्वांरटाईन केले
• वाहतूक उल्लंघनाचे 1279 गुन्हे; 53 हजार 71 वाहने जप्त 
• बेकायदेशीर वास्तव्याचे 16 परदेशी नागरिकांवर गुन्हे 
• चार पोलिसांचा कोरोनामुळे मृत्यु. यात मुंबईतील 3 आणि पुण्यातील 1
• राज्यात 42 पोलिस अधिकारी, आणि 494 पोलीस कर्मचारी कोरोनाबाधित
• राज्यात 4 हजार 808 रिलीफ कॅम्प
• या कॅम्पमध्ये 4 लाख 42 हजार 298 लोकांची व्यवस्था

मोठी बातमी : ...नाहीतर येत्या काळात त्या खासगी डॉक्टर्सचे परवाने होणार रद्द !

कोरोना हद्दपार करण्यासाठी राज्यातील प्रत्येक नागरिकांचे सहकार्य अपेक्षित आहे. लॉकडाऊनचे नियम शिथिल केल्या म्हणून कोरोना संपला असे नाही. त्यामुळे नागरिकांनी सोशल डिस्टन्सिंग, मास्क लावून नियम पाळण्याची नितांत आवश्यकता आहे.

- अनिल देशमुख, गृहमंत्री

More than 300 people arrested for attacking police