मुंबई - मुंबईतील लोकल ट्रेनमध्ये सहकारी आणि खासगी बॅंकेच्या कर्मचाऱ्यांना प्रवास करण्याची परवानगी मिळाली आहे. खासगी आणि सहकारी बॅंंकांच्या 10 टक्केच कर्मचाऱ्यांसाठी हा निर्णय घेण्यात आला आहे.
राज्य सरकारने रेल्वे मंत्रालयाकडून परवानगी मागितली होती, त्यानुसार सर्व सहकारी व खासगी बँकांच्या एकूण कर्मचार्यांच्या १०% मर्यादेपर्यंत कर्मचार्यांना मुंबई उपनगरी नेटवर्कवर विशेष उपनगरी सेवेद्वारे प्रवास करण्याची परवानगी देण्यात आली आहे.
या निवडक १०% बँक कर्मचार्यांनी महाराष्ट्र राज्य सरकारकडून, स्टेशन प्रवेशासाठी, लवकरात लवकर क्यूआर कोड मिळवावा. तोपर्यंत वैध ओळखपत्रासह स्थानकांवर प्रवेश देण्यात येईल. महत्त्वपूर्ण रेल्वे स्थानकांवर प्रवाशांसाठी अतिरिक्त बुकिंग काऊंटर सुरू केले जातील.
कोव्हिड नियम आणि सोशल डिस्टंन्सिंगचं पालन
राज्य शासनाच्या निर्देशानुसार अत्यावश्यक प्रवर्गातील कर्मचारी वगळता इतरांनी स्थानकांवर गर्दी करू नये अशी विनंती केली जाते.
प्रवाशांना कोविड-१९ साठी अनिवार्यपणे वैद्यकीय आणि सामाजिक प्रोटोकॉलचे अनुसरण करण्याची विनंती केली जाते. जनतेला विनंती आहे की, कोणत्याही अफवांवर विश्वास ठेवू नये.
--------------------------------------------------
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.