Mumbai Dry Run: बीकेसी लसीकरण केंद्र ड्राय रनसाठी सज्ज

मुंबईः  केंद्र शासनाच्या मार्गदर्शक सुचनांनुसार उद्या शुक्रवार 8 जानेवारी रोजी महाराष्ट्रातील 30 जिल्हे आणि 25 महानगरपालिका क्षेत्रांमध्ये कोरोना लसीकरणासाठी ड्राय रन मोहिम राबविण्यात येणार आहे. यानुसार मुंबई महापालिकेद्वारे राजावाडी, कूपर रुग्णालयात तसेच बीकेसी येथील कोविड सेंटर अशा तीन ठिकाणी ड्राय रन घेण्यात येणार असल्याचे पालिकेचे अतिरिक्त आयुक्त सुरेश काकाणी यांनी सांगितले. दरम्यान बीकेसी लसीकरण केंद्र आजच्या लसीकरणाच्या ड्राय रनसाठी सज्ज आहे. लसीकरणाच्या पूर्वीच्या ड्राय रनसाठी या ठिकणी पूर्ण तयारी डॉक्टर्स आणि आरोग्य कर्मचाऱ्यांकडून करण्यात आली आहे.

कोव्हीन अँपमध्ये नोंदणी केलेल्या 25 लाभार्थी या ठिकणी लसीकरणच्या ड्राय रनमध्ये सहभागी होणार आहेत. या बीकेसी लसीकरण केंद्रात प्रत्यक्ष लसीकरण सुरू झाल्यानंतर एकावेळी 15 व्हॅक्सिनेशन रूममध्ये 15 लाभार्थ्यांना लस दिली जाणार आहे. त्यासाठीची रंगीत तालीम आज या ठिकाणी पाहायला मिळेल. 

मुंबई विभागातल्या ताज्या बातम्या वाचण्यासाठी येथे क्लिक करा. 

या ठिकाणी दिवसाला अडीच हजारांच्या जवळपास लाभार्थ्यांना लस देण्याचं आव्हान असणार आहे. त्यासाठी मोठी वेटिंग रूम, 7 रजिस्ट्रेशन काउंटर, 15 व्हॅक्सिनेशन सेंटर, अब्जरेव्हेशन सेंटर, मोनिटरिंग रूम ( ज्या ठिकाणी लस दिल्यानंतर त्रास झाल्यास उपचार केला जाणार) अशा प्रकारे तयारी करण्यात आली आहे.

व्यक्तीला लसीकरणानंतर त्रास झाल्यास तातडीने मोनिटरिंग रूममध्ये त्यावर उपचार केले जाणार सोबतच या ठिकाणी आयसीयूची सोय सुद्धा असणार आहे. एकूण 90 डॉक्टर्स आणि आरोग्य कर्मचारी या ठिकाणी या लसीकरणाच्या मोहिमेत काम करतील.

हेही वाचा- Thane Dry Run: ठाण्यात कोरोना लसीची आज ड्राय रन

Mumbai BKC Vaccination Center ready for dry run here look photo