Mumbai Breaking: विरार मध्ये पूर्ववैमनस्यातून घरावर फायरिंग; आरोपी फरार

Mumbai Crime: विरार मध्ये पूर्ववैमनस्यातून एका व्यक्तीच्या घरावर गोळीबार करून आरोपी फरार झाले आहेत. या घटनेत सुदैवाने कोणतीही जीवित हानी झाली नाही. विरार पूर्व गोपचार पाडा आशियाना बिल्डिंग , मधील मोबिन शेख यांच्या रूमवर आज सोमवार ता 15 रोजी पहाटे साडे तीन च्या सुमारास ही घटना घडली आहे. याबाबत भादवी कलम 307 सह अर्म्स ऍक्ट प्रमाणे विरार पोलीस ठाण्यात गुन्हा दाखल करून, आरोपीच्या शोधासाठी स्वतंत्र तीन पथक रवाना झाले असल्याची माहिती विरार चे वरिष्ठ पोलीस निरीक्षक राजेंद्र कांबळे यांनी दिली आहे.

मस्तान उस्मान शेख असे संशयित आरोपीचे नाव आहे. विरार पूर्व गोपचार पाडा येथील राहणारे मोबिन शेख यांच्या सोबत आरोपीचा जुना वाद असल्याची प्राथमिक माहिती आहे. आज सोमवार ता 15 रोजी पहाटे साडे तीन च्या सुमारास आरोपी हा मोबिन शेख यांच्या इमारतीत जाऊन, त्याने प्रथम मदत पाहिजे असल्याचे करण पुढे करून दाराची कडी वाजविली. पण घरातील व्यक्तींना संशय आल्याने त्यांनी दार काढले नाही.

लगेच पोलिसांना फोन करून सांगितले. तोपर्यंत आरोपीने घराच्या खिडकीवर एक गोळी फायर करून आरोपी हा फरार झाला आहे. या घटनेची माहिती मिळताच विरार चे वरिष्ठ पोलीस निरीक्षक राजेंद्र कांबळे यांनी आपल्या पथकासह घटनास्थळाला भेट देऊन, त्याचा पंचनामा करून, विरार पोलीस ठाण्यात गुन्हा दाखल केला आहे. आरोपी हा सराईत असून या आगोदर ही त्याच्याव अशा प्रकारचे गुन्हे दाखल आहेत. त्याच्या शोधासाठी गुन्हे शाखेच्या स्वतंत्र 3 टीम रवाना झाल्या असल्याचे पोलिसांनी सांगितले आहे.