डोंबिवली - शहरातील फुटपाथवरील अवस्था दयनीय असतानाच त्यावरील गटारांची झाकणे कुठे तुटलेली तर कुठे उखडलेली असतात. गटारांची झाकणे तुटून अनेक अपघात होऊनही प्रशासन या झाकणांच्या देखभाल दुरुस्तीकडे गांभीर्याने पहात नसल्याचे दिसते.
ठाकुर्ली येथील 90 फिट रोडवरील फुटपाथवरील गटारावर झाकण तुटलेले असल्याने त्यात पडून 50 वर्षीय नागरिक जखमी झाल्याची घटना घडली आहे. या अपघातात त्यांच्या पायाला गंभीर इजा झाली असून त्यांना उपचारासाठी रुग्णालयात दाखल करण्यात आले आहे.
डोंबिवली पूर्वेकडील ठाकुर्ली परिसरात 90 फिट रोड येथील बालाजी आंगण मध्ये सुंदरम अय्यर हे राहण्यास आहेत. बुधवारी रात्री ते आपल्या पत्नीसह 90 फिट रोड वरील फुटपाथवर चालत होते.
याचवेळेस येथील फुटपाथवरील चेम्बरवर झाकण तुटलेल्या अवस्थेत होते. रात्री चालताना अय्यर यांच्या ही बाब लक्षात आली नाही आणि त्यांचा तोल जाऊन ते गटारात पडले. सुदैवाने गटाराची उंची कमी असल्याने ते वाचले मात्र या दुर्घटनेत त्यांच्या पायाला गंभीर दुखापत झाली. नागरिकांनी अय्यर यांना गटाराबाहेर काढले.
उपचारासाठी त्यांना जवळील एका खाजगी रुग्णालयात दाखल करण्यात आले आहे. त्यांच्या पायाला तब्बल 17 टाके पडले आहेत.
नागरिकाच्या सोयीसाठी प्रशासनाने फुटपाथची सुविधा दिली आहे. मात्र फुटपाथ वरील तुटलेली झाकणे दुरुस्त करण्यास मात्र प्रशासनाला मुहूर्त मिळत नसल्याचे दिसून येत आहे .दरम्यान घटनेची माहिती मिळताच पालिकेने तत्काळ या तुटलेल्या चेम्बरवर झाकण बसवले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
