मुंबईत दैनंदिन रुग्णांचा आकडा पाचशेच्या वर

मुंबई : मुंबईत बाधित कोरोना रुग्णांचा आकडा पुन्हा एकदा वाढला असून आज दिवसभरात 527 नवीन रुग्णांची नोंद झाली. कोरोना बाधित रुग्णांची एकूण संख्या 7,42,538 वर पोहोचली आहे. तर 405 रुग्णांनी कोरोनावर मात केल्याने आतापर्यंत 7,19,218 रुग्ण कोरोनामुक्त झाले आहेत.

आज 6 कोविड मृत्यूची नोंद झाली झाली. मृतांचा एकूण आकडा 16,103 वर पोचला आहे.बरे झालेल्या रूग्णांचा दर 97 टक्के असून कोविड वाढीचा दर 0.06 टक्के आहे.मुंबईतील रूग्ण दुपटीचा कालावधी वाढून 1185 दिवस झाला.आज दिवसभरात 36,887 कोविड चाचण्या झाल्या असून आतापर्यंत 1,03,13,389 एवढ्या चाचण्या झाल्या आहेत. मुंबईत सध्या 4724 सक्रिय रुग्ण आहेत.