Corona Virus: मुंबईतल्या वाढत्या रुग्णसंख्येत एक दिलासादायक बातमी

मुंबई: राज्यात आणि मुंबईत कोरोना रुग्ण सतत वाढत आहेत. रोज धडकी भरणारी रुग्ण नोंद समोर येत आहे. गेल्या दोन महिन्यांपासून कोरोनाची दुसरी लाट असल्याप्रमाणे संख्या वाढत असताना मात्र रुग्ण संख्येच्या तुलनेत मृत्यूचे प्रमाण कमी असल्याने दिलासा मिळत आहे. 1 मार्चपर्यंत 40 टक्के रुग्ण वाढ झाली असून त्या प्रमाणात मृत्यू दर मात्र नसल्याचे वरिष्ठ आरोग्य अधिकारी सांगत आहेत. मागच्या आठवड्यात वाढत्या रुग्ण संख्येच्या तुलनेत रुग्ण मृत्यू प्रमाण 0.55 टक्क्याहून ही कमी होते असल्याचे राज्य साथरोग सर्व्हेलन्स अधिकारी डॉ. प्रदीप आवटे यांनी सांगितले. 

राज्यात आणि मुंबईत कोरोना संसर्ग सुरु झाल्यापासून राज्यात एकूण कोरोना रुग्ण 22 लाख 97 हजार 793 एवढी झाली आहे. तर एकूण मृत्यू 52 हजार 811 एवढे आहेत. म्हणजे सध्या राज्यातील मृत्यूदर 2.3 % एवढा आहे. ही टक्केवारी एवढी असली तरी ही पॉईंट टक्क्यांनी सतत कमी होत आहे. जसे जानेवारी महिन्यात ही टक्केवारी 1.7 टक्के तर फेब्रुवारी महिन्यात 0.9 टक्क्यांनी घसरली होती. सध्या रुग्णात लक्षण दिसून येत नाहीत. त्यामुळे संसर्गित झाले तरी रुग्ण घरीच राहून उपचार करण्यास पसंती देत आहेत. मात्र त्या सोबतच जागतिक महामारीच्या नियमांचे उल्लंघन करत असल्याचे राज्य आरोग्य अधिकारी खंत व्यक्त करत आहे.

मुंबई विभागातल्या ताज्या बातम्या वाचण्यासाठी येथे क्लिक करा.

दरम्यान 2021 जानेवारी पासून रुग्ण वाढत असूनही मृत्यू दर मात्र कमी आहे. कोरोना महामारीत मृत्यू दर महत्वाचा मानला जात आहे. जागतिक आरोग्य संघटनेने देखील राज्यातील मृत्यू दर कमी होत असल्याचे सांगितले, असे राज्य टास्क फोर्स सदस्य डॉ. शशांक जोशी यांनी सांगितले.

हेही वाचा-  मुंबईकरांनो नियमांचं पालन करा, नाहीतर तयार व्हा नाईट कर्फ्यूला

-----------------------------------------

(संपादन- पूजा विचारे)

Mumbai Corona Virus updates Lower mortality compared infected patients