गेल्या 24 तासांत 13 रूग्णांचा मृत्यू
मुंबई: शहरात गेल्या 24 तासात 545 नवीन रुग्ण सापडले त्यामुळे मुंबईतील कोरोनाग्रस्तांची एकूण संख्या 7,29,795 इतकी झाली आहे. दिवसभरात 505 रुग्णांनी कोरोनावर मात केली असून आतापर्यंत 7,04,764 रुग्ण कोरोनामुक्त झाले. याशिवाय, मुंबईत दिवसभरात 13 रुग्णांच्या मृत्यूची नोंद झाली. त्यापैकी 7 पुरुष तर 6 महिला होत्या. त्यामुळे मुंबईतील मृतांचा आकडा 15 हजार 667 इतका झाला आहे. (Mumbai Coronavirus Update New Cases 545 while 505 patients become corona free)
मुंबईत कोरोना संसर्ग नियंत्रणात दिसत असून रुग्णवाढीचा सरासरी दर ही 0.7 % पर्यंत खाली आला आहे. रुग्ण दुपटीचा कालावधी 948 दिवसांवर गेला आहे. तर रुग्ण बरे होण्याचे प्रमाण 96 % आहे. रुग्णसंख्या नियंत्रणात आल्याने सक्रिय रुग्णांचा आकडा कमी होऊन 7,012 हजारांवर आला आहे.
धारावीमध्ये 5 रुग्ण आढळले असून धारावीतील एकूण रुग्णांचा आकडा 6929 आहे. दादरमध्ये 9 रुग्ण आढळले. दादरची एकूण रुग्णसंख्या 9797 झाली आहे. माहीममध्ये 10 नवे रुग्ण सापडले असून माहीममधील एकूण रुग्ण 10,106 झाले आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.