Mumbai Crime : 14 वर्षीय मुलीचे नातेवाईकांकडून अपहरण व लैंगिक अत्याचार; 2 आरोपी अटकेत

मुंबई - कुर्ला परिसरात 14 वर्षीय मुलीचे अपहरण करून लैंगिक अत्याचार केल्याप्रकरणी विनोबा भावे नगर पोलिसांनी 2 आरोपींना अटक केली आहे. विशेष म्हणजे दोन्ही आरोपी पिडीत मुलीचे नातेवाईक आहेत. दोन्ही आरोपींनी कोलकात्याला नेऊन पिडीत मुलीवर लैंगिक अत्याचार केल्याचा विनोबा भावे नगर पोलिसांनकडे दाखल गुन्ह्यात आरोप केला आहे. अटक आरोपी 19 व 35 वर्षांचे असून कुर्ला पश्चिम येथील रहिवासी आहेत.

आरोपी पीडित मुलीचे नातेवाईकानी कोलकात्यात मुलीला एका खोलीत डांबून ठेवल्याचा आरोप तक्रारीत करण्यात आला आहे. याबाबत पोलीस अधिक तपास करीत आहेत. आरोपींनी पीडित मुलीच्या आई वडिलांना ठार मारण्याची धमकी देऊन राहत्या घरातून तिचे अपहरण केले होते. त्यानंतर मुलीला कोलकात्याला नेऊन तेथे एका खोलीत डांबून ठेवले. मुलीची सुटका झाल्यानंतर तिने आई वडिलांना सर्व घटना सांगितली.

नंतर पिडीत मुलीच्या कुटुंबियांकडून याप्रकरणी विनोबा भावे नगर पोलिसांकडे तक्रार केली. पोलिसांनी याप्रकरणी गुन्हा दाखल करून दोन्ही आरोपींना अटक केली. त्यांच्याविरोधात बलात्कार व बाल लैंगिक अत्याचार प्रतिबंधक कायद्याअंतर्गत गुन्हा दाखल करण्यात आला असून अधिक तपास पोलीस करत आहेत.