Mumbai Crime: नालासोपाऱ्यात लव्ह जिहाद प्रकरण, तरुणावर गुन्हा दाखल

Nalasopare News| नालासोपारा पूर्व येथे तरुणी सोबत लव जिहाद प्रकरण झाल्याचे उघडकीस आले आहे. तरुणीला भुरळ घालून तिला नशेची औषध देऊन फरार केलं. परंतु पोलिसांनी शोध लावल्यानंतर, तिला आई-वडिलांकडे सोपवल्या नंतर तिने लग्नाला नकार दिल्याने तरुणांनी तिच्यावर हल्ला करत तिला मारहाण केली. त्यानंतर हे संपूर्ण प्रकरण उघडकीस आले.

१७ फेब्रुवारी रोजी तरुणावर गुन्हा दाखल करण्यात आला आहे. गेल्या एक वर्षांपासून प्रगती नगर येथे राहणार रफिक शेख हा पिडीत तरुणीचा पाठलाग करत होता.

एक वर्षापूर्वी तरुणीशी ओळख करून तिच्याशी त्याने मैत्री केली. रफिक हा तरुणीला गेल्या अनेक महिन्यांपासून लग्नाचे आमिष दाखवत होता. तसेच कोणाला आपल्या बद्दल सांगितल्यास जीवे मारण्याची धमकी देत होता. १३ फेब्रुवारी ला तरुणी आपल्या घरातून फरार झाली.

१५ फेब्रुवारी रोजी ती ठाणे येथे सापडली. तरुणीला परत आणल्यानंतर तिला पालकांकडे सोपवण्यात आले. आई वडिलांना भेटताच तिने लग्नाला नकार दिला व तिला अमली पदार्थ देऊन तिला जबरदस्ती पळवले व लग्नासाठी जबरदस्ती केल्याचे सांगितले.

तरुणीने नकार दिल्यानंतर तिला विरार पूर्व येथे गाठून तिला जब्रण मारहाण केली. तरुणाने मुलीवर नखांनी वार केले व बेदम मारहाण केली. तर तरुणावर ३७६, ३७६(२) n, ३२३, ५०६, ३४ अन्वये तुळींज पोलीस ठाण्यात गुन्हा दाखल करण्यात आला आहे.