नामांकित IT कंपनीचा कर्मचारी डार्क वेबवरून करायचा काळे धंदे, NCB ने ड्रग्ससकट अरबाजलाही उचललं

मुंबई : मुंबईत गेल्या काही दिवसांपासून NCB म्हणजेच नार्कोटिक कंट्रोल ब्युरोकडून धडक कारवाया केल्या जातायत. अशीच आणखीन एक मोठी आणि धडक कारवाई NCB मार्फत मुंबईत करण्यात आली.

NCB च्या कारवाईअंतर्गत मुंबईतील सर्वात मोठं LSD या अमली पदार्थाचं रॅकेट उद्ध्वस्त करण्यात नार्कोटिक कंट्रोल ब्युरोला यश आलं आहे. NCB मार्फत 27 तारखेपासून नवीन मोहीम राबवली जातेय. या अंतर्गत NCB ने ही कारवाई केली आहे. NCB  ने उध्वस्त केलेल्या रॅकेटकडून 336 ब्लॉट्स LSD ड्रग्स आणि तब्बल अर्धा किलो मारुआना जप्त करण्यात आलं आहे

महत्त्वाची बातमी : "येणाऱ्या निवडणुकीत 'वीरप्पन गॅंग'चा एन्काऊंटर करावाच लागेल", मनपा निवडणुकांआधी मुंबईत गरमागरमी

कारवाईत तिघांना अटक

नार्कोटिक कंट्रोल ब्युरोकडून करण्यात आलेल्या कारवाईत तिघांना अटक करण्यात आली आहे. या कारवाईत अटक करण्यात आलेल्या आरोपींची नावे अरबाझ शेख, सुरज सिंग अशी आहेत. यापैकी अरबाझ शेख हा नामांकित IT कंपनीमध्ये कामाला आहे. तर अरबाज हा सुरजकडून अमलीपदार्थ घेत होता. IT कंपनीत काम करण्यासोबत अरबाज हा डिस्क जॉकी म्हणजेच DJ देखील आहे. इंटरनेटवरील डार्क वेब च्या माध्यमातून परदेशातून ड्रग्सची विक्री केली जायची. अरबाज हा पेडलरचं देखील काम करत असल्याची बाब समोर येतेय. अरबाजकडून तब्बल 336 ब्लॉट्स LSD, 430 ग्रॅम गांजा तर 6 ग्रॅम कोकेन असं ड्रग्सचं घबाड हस्तगत कातरण्यात आलं आहे.

मुंबईतील महत्त्वाच्या बातम्या वाचण्यासाठी इथे क्लिक करा  

या दोघांसोबत नवी मुंबईतील नेरूळमध्ये देखील NCB अधिकारी आणि पोलिसांनी देखील छापेमारी केली. तिथूनही गांजाच्या तस्करी अंतर्गत एकाला पोलिसांनी ताब्यात घेतल्यात.   

mumbai crime news narcotic control bureau busted biggest illegal herbs and powder racket