Mumbai Crime : बहीण भावाच्या नात्याला काळीमा; चुलत भावाच्या अत्याचाराला कंटाळून बहिणीची आत्महत्या

बहीण भावाच्या नात्याला काळीमा फासणारी घटना कुर्ला पश्चिम येथे समोर आली आहे.
suicide
suicidesakal
Summary

बहीण भावाच्या नात्याला काळीमा फासणारी घटना कुर्ला पश्चिम येथे समोर आली आहे.

मुंबई - बहीण भावाच्या नात्याला काळीमा फासणारी घटना कुर्ला पश्चिम येथे समोर आली आहे. 14 वर्षीय मुलीवर तिच्या 21 वर्षीय चुलत भावाने केलेल्या अत्याचाराला कंटाळून मुलीने आत्महत्या केली. याप्रकरणी पोलिसांनी पॉक्सो कायद्यासह आत्महत्येस प्रवृत्त केल्याप्रकरणी गुन्हा दाखल करून रविवारी रात्री अटक केली.

मागील अनेक महिन्यापासून आरोपी मुलीवर अत्याचार करत असल्यामुळे पिडीत मुलगी मानसिक तणावात होती. या पूर्वीही तिने आत्महत्येचा प्रयत्न केला , मात्र ती त्यावेळेस थोडक्यात वाचली. दरम्यान आरोपीकडून होणाऱ्या त्रासाला कंटाळून अखेर पीडितेने गळफास घेऊन आत्महत्या केली. याप्रकरणी पोलिसांनी सुरुवातीला अपमृत्यूची नोंद केली होती.

suicide
Mumbai Crime : गुंगीचे औषध देऊन अल्पवयीन मुलीवर बलात्कार; दोघांना अटक

तपासादरम्यान पोलिसांना पीडित मुलीने लिहिलेली चिठ्ठी सापडली. त्यात पीडित मुलीने 21 वर्षीय आरोपीने जबरदस्ती करण्याचा प्रयत्न केल्याबाबत माहिती दिली होती. त्यावर आरोपीच्या त्रासाला कंटाळून मुलीने आत्महत्या केल्याचे पोलिसांच्या लक्षात आले. त्यामुळे पोलिसांनी स्वतः या प्रकरणी तक्रार दाखल करून गुन्ह्याची नोंद केली. आरोपीविरोधात भादंवि कलम 304,305 आणि पॉक्सो कायद्याअंतर्गत कला 8,12 ,18 गुन्हा दाखल करून आरोपीला अटक करण्यात आली आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com