मुंबईत रूग्णवाढीचा दर 0.29 वर; तर 998 नवीन कोरोना रुग्णांची वाढ

मुंबई : मुंबईत आज 998 नवे रुग्ण सापडले असून, एकूण रुग्णसंख्या 2,64,543 झाली आहे. आज 23 रुग्णांचा मृत्यू झाला असून, मृतांचा आकडा 10,442 वर पोचला आहे. आज 865 रुग्ण बरे झाले असून, आतापर्यंत 2,36,522 रुग्ण बरे होऊन घरी गेले. रुग्ण बरे होण्याचा दर 90 टक्के झाला आहे. 

चित्रपट निर्माता फिरोज नाडियादवाला यांच्या पत्नीला ड्रग्सप्रकरणी अटक; आणखी काही हायप्रोफाल ग्राहक रडावर

मुंबईत रुग्ण दुपटीचा दर दिवसेंदिवस वाढत असून, आतापर्यंत 241 दिवसांवर गेला आहे. 7 नोव्हेंबरपर्यंत एकूण 16,17,439 कोव्हिड चाचण्या केल्या; तर 1 ते 7 नोव्हेंबरदरम्यान कोव्हिड रुग्णवाढीचा दर 0.29 आहे. मुंबईत आज नोंद झालेल्या 23 मृत्यूंपैकी 16 जणांना दीर्घकालीन आजार होते. आजच्या एकूण मृत्यू झालेल्या व्यक्तींमध्ये 18 पुरुष, तर पाच महिलांचा समावेश होता. एकूण मृत झालेल्या 23 रुग्णांपैकी सहा रुग्ण 40 ते 60 वर्षांदरम्यान होते, तर 17 रुग्णांचे वय 60 वर्षांवर होते. मुंबईत 509 इमारती आणि झोपडपट्ट्या कंटेन्मेंट झोन म्हणून जाहीर केले असून, सक्रिय सीलबंद इमारतींची संख्या 6273 इतकी आहे.

वैद्यकीय अधिकारी नसल्याने दवाखाना बंद, दहिसर परिसरातील रुग्णांची गैरसोय

बाधित रुग्णांच्या संपर्कात येणाऱ्या व्यक्तींची संख्या दिवसेंदिवस वाढत असून, गेल्या 24 तासांत बाधित रुग्णांच्या संपर्कात 6269 अतिजोखमीचे व्यक्ती आले आहेत. त्यामुळे कोव्हिड काळजी केंद्रात दाखल करण्यात येणाऱ्या रुग्णांची संख्याही वाढत असून आज कोव्हिड काळजी केंद्र एकमध्ये 530 अतिजोखमीचे संपर्क उपचारासाठी दाखल करण्यात आले. 

----------------------------------------------------

( संपादन - तुषार सोनवणे )