Mumbai Pollution
ESakal
मुंबई : मुंबई आणि परिसरातील हवेचा दर्जा प्रदूषणामुळे चांगलाच खालावत असताना त्यावर सुरू असलेल्या सुनावणीत कारण देताना राज्य सरकारने ‘इथिओपियातील ज्वालामुखीच्या राखेमुळे’ प्रदूषण वाढल्याचे सांगितल्याने न्यायालयाने संताप व्यक्त केला. ‘त्या ज्वालामुखीच्या उद्रेकाचा आणि मुंबईसह परिसरातील वाढत्या प्रदूषणाचा कोणताही संबंध नाही. मुंबईची दृश्यमानता मागील अनेक दिवसांपासून खालावली आहे. त्यावर आपण कोणत्या उपाययोजना केल्यात ते सांगा’, अशा शब्दांत विचारणा करीत उच्च न्यायालयाने आज राज्य सरकारवर कडक ताशेरे ओढले.