मुंबईतील जुहू कोळीवाडा जेट्टीवर शनिवारी संध्याकाळी एका १९ वर्षीय तरुणाचा, अनिल अर्जुन राजपूत याचा, समुद्राच्या खवळलेल्या लाटांमध्ये बुडून दुर्दैवी मृत्यू झाला. ही या पावसाळ्यातील पहिलीच दुर्घटना आहे. ३१ मे २०२५ संध्याकाळी ५:४३ च्या सुमारास घडलेल्या या घटनेने स्थानिकांना हादरून सोडलं आहे. पोलिसांनी आणि स्थानिकांनी वारंवार केलेल्या इशाऱ्यांकडे दुर्लक्ष करणं या तरुणाच्या मृत्यूचं कारण ठरलं.