Mumbai Local : पावसाची उसंत, तरीही लोकल सेवा विलंबाने!

मुंबई - गेल्या तीन पावसांपासून पावसाने उसंत घेतली असली तरी, मध्य रेल्वेची लोकल सेवा विलंबानेच धावत आहे. गुरुवारी मध्य रेल्वे आणि पश्चिम रेल्वे मार्गावरील लोकल सेवा १० ते १५ मिनिटे उशिराने धावत असल्याने प्रवाशांना कार्यलयात पोहचण्यासाठी लेटमार्क बसला आहे.

मुंबई आणि उपनगरात सोमवरपासून पावसाने काही प्रमाणात उसंत घेतली आहे. तरीही मध्य रेल्वे मार्गावर लोकल सेवा धीम्या गतीने धावत आहे. पाऊस नसला तरी, ढगाळ वातावरणामुळे हवेतील दृश्यमानता कमी होते. त्यामुळे खबरदारीचा उपाय म्हणून मोटरमन आणि लोको पायलेटला रेल्वे गाड्यांचा वेग कमी करावा लागतो. यामुळे लोकल आणि रेल्वे गाड्यांचा वेगावर बंधने आली आहे.

सकाळी मध्य रेल्वे मार्गावरील लोकल सेवा १० ते १५ मिनिटे विलंबाने धावत असल्याने प्रवाशांना लोकल गर्दीचा सामना करावा लागला आहे. त्यामुळे प्रवाशांना दररोज लोकल विलंबाचा मोठा फटका बसतो आहे.