Mumbai Local : खचाखच भरलेल्या लोकलच्या केबीनमध्ये बसून डोंबिवलीकरांचा प्रवास; पाहा Viral Video

मुंबई : मुंबई लोकलचे अनेक व्हिडिओ आपण पाहिले असतील किंवा मुंबईला गेल्यानंतर एकदातरी लोकलने प्रवास केला असेल. पावसाळ्यात किंवा इतर दिवशी अनेकदा लोकलमध्ये प्रवाशांची तुडूंब गर्दी असते. सध्या असाच एक व्हिडिओ समोर आला असून प्रवासी थेट ड्रायव्हरच्या केबीनमध्ये बसून प्रवास करताना यामध्ये दिसत आहेत.

मुंबईच्या डोंबिवली लोकलमधील हे चित्र असून लोकल ड्रायव्हरच्या केबीनमध्ये आठ ते दहा लोकं उभा राहिल्याचं दिसत आहे. मागच्या डब्यातही प्रवाशांची चांगलीच गर्दी झाल्याचं दिसत आहे. ड्रायव्हरच्या केबीनमध्ये कोण ड्रायव्हर आणि कोण प्रवासी हे सुद्धा कळत नाही. पण लोकलच्या डब्यात बसायला जागा नसल्यामुळे अनेकदा प्रवासी थेट केबीनमध्ये घुसत असतात.

दरम्यान, मुंबई लोकलमधील गर्दीचा अंदाज हा व्हिडिओ पाहून आपल्याला येईल. सोशल मीडियावर हा व्हिडिओ चांगलाच व्हायरल झाला असून अनेकांनी त्यावर आपल्या प्रतिक्रिया व्यक्त केल्या आहेत. "तुम्हीही लोकलच्या कॉकपीठमध्ये बसून प्रवास करण्याचा अनुभव घेतलाय का?, ड्रायव्हर म्हणत असेल, ठीके तर मी जातो आता" अशा मजेशीर कमेंट नेटकऱ्यांनी केल्या आहेत.