Mumbai Local Train Update : मुंबईकरांसाठी महत्वाची बातमी! मध्य रेल्वेच्या पहिल्या फास्ट लोकलची वेळ बदलली

मुंबई : रात्रपाळीत काम करणाऱ्या कर्मचाऱ्यांसाठी महत्वाची बातमी समोर आली आहे. आता मध्य रेल्वेची पहिली फास्ट लोकल ही सीएमएसटी रेल्वे स्थानकावरून सकाळी 4.35 वाजता सुटणार आहे. ही लोकल पुढे खोपोली पर्यंत धावणार आहे.

लोकलने प्रवास करणाऱ्या मुंबईकरांसाठी ही अत्यंत महत्वाची बातमी असून मध्य रेल्वेने (CR) 4.24 च स्लो CSMT-खोपोली उपनगरी लोकल सेवा अपग्रेड करण्याचा निर्णय घेतला आहे. उद्या म्हणजेच 10 ऑगस्टपासून ही रेल्वे फास्ट लोकल म्हणून धावणार आहे.

यामुळे असंख्य प्रवाशांची सोय होणार असून प्रवासाच्या वेळ कमी झाल्याने मोठा दिलासा मिळणार आहे. ही गाडी सीएसएमटी येथून पहाटे 4.35 वाजता सुटेल. सुधारित वेळापत्रकानुसार, ट्रेन भायखळा, दादर, कुर्ला, घाटकोपर, ठाणे, डोंबिवली आणि कल्याण स्थानकावर थांबेल अशी माहिती एका अधिकाऱ्याने दिली आहे.

प्रवाशांचे दररोज 11 मिनिटे वाचतील

नव्याने सुरू करण्यात झालेली ही फास्ट लोकल गाडी सुटण्याच्या वेळेत कोणताही बदल न करता देखील पहाटे ही गाडी 5.55 वाजेपर्यंत कल्याणला पोहोचेल. या बदलामुळे प्रवाशांची त्यांच्या दैनंदिन प्रवासादरम्यान तब्बल 11 मिनिटांचा वेळ वाचणार आहे.

पावणेसहा पर्यंत वाट पाहावी लागणार नाही

सीएसएमटी वरून सकाळी 4.19 मिनिटांनी पहिली कसारा लोकल सुटते, त्यानंच खोपोली लोकल 4.24 मिनिटांनी रवाना होते. त्याच लोकलला जलद लोकल मध्ये रुपांतरीत करण्यात येणार आहे. सध्या पहिली लोकल 5.20 मिनिटांनी सुटते पण ती एसी लोकल असते त्यामुळे पऊणेसहा पर्यंत वाट पाहावी लागते. नव्या फास्ट लोकलमुळे प्रवाशांची ही अडचण दूर होणार आहे.