बापरे ! मुंबईत 250 वैद्यकिय कर्मचार्यांना कोरोनाची बाधा; किमान हजार कर्मचारी क्वारंटाईन

मुंबई : सार्वजनिक आणि खासगी 20 रुग्णालयातील 250 वैद्यकिय कर्मचार्यांना कोरोनाची बाधा झाली आहे. तर किमान हजार कर्मचार्याना क्वारंटाईन व्हावे लागले आहे. पालिकेच्या चर्चगेट येथील नाक कान घसा रुग्णायतील तीन कर्मचार्यांना कोरोनाची बाधा झाली आहे. तर 30 जणांची कोरोना चाचणी करुन त्यांना क्वारंटाईन केले आहे. तर शिवडी येथील क्षय रोग रुग्णालयातील डॉक्टर  आणि वॉर्ड बॉयला कोरोनाची बाधा झाली आहे. तर 80 जणांना क्वारंटाईन करण्यात आले असून त्यात 10 डॉक्टर आहेत.

मोठी बातमी - हायड्रॉक्सीक्लोरिक्विन नंतर 'हे' औषध ठरू शकत गेम चेंजर; भारताचीही 'या' औषधावर आहे नजर

महानगर पालिकेच्या मुंबई सेंट्रल येथील नायर, परळ येथील केईएम आणि शिव येथील लोकमान्य टिळक रुग्णालयाती 41 वैद्यकिय कर्मचार्यांना आता पर्यंत कोरोनाची बाधा झाली आहे. व्होकार्ट, जसलोक,भाटिया या महत्वाच्या खासगी रुग्णालयातील कर्मचार्यांनाही कोरोनाची बाधा झाली आहे.

मोठी बातमी - ३ मे नंतर काय होऊ शकतं ? दुसऱ्या लॉक डाऊन नंतर तिसरा लॉक डाऊन ?

कोरोनावर उपचार करताना वैद्यकिय कर्मचारी योग्य खबरदारी घेतात. तरीही त्यांना कोरोना  होण्याचा धोका असतोच. मात्र, मुंबईत कोरोनाचे उपचार करताना लागण होण्याचे प्रमाण क्वचितच आहे. यात रुग्ण दुसऱ्या आजारासाठी रुग्णालयात आला पण त्याला कोरोनाची बाधा असल्याने कर्मचार्यानाही संसर्ग झाला हे प्रमाण जास्त आहे. वैद्यकिय दृष्ट्या अशा प्रकारे डॉक्टरांना कोरोनाची बाधा होणे ही गंभिर बाब आहे.असे पालिकेच्या एका निवृत्त वैद्यकिय अधिकार्याने सांगितले. 

in mumbai more than 250 doctors are corona infected over thousands are in quarantine