प्रॉपर्टी टॅक्स बाबत मोठी बातमी; नागरिकांना दिलासा मिळावा म्हणून महापालिकेचं महत्त्वाचं पाऊल

प्रॉपर्टी टॅक्स बाबत मोठी बातमी; नागरिकांना दिलासा मिळावा म्हणून महापालिकेचं महत्त्वाचं पाऊल

नवी मुंबई : कोव्हिडच्या पार्श्वभूमीवर नवी मुंबईकर नागरिकांना दिलासा मिळावा या दृष्टीने 15 डिसेंबर 2020 ते 15 फेब्रुवारी 2021 या कालावधीत मालमत्ता कर अभय योजना जाहीर करण्यात आली होती. या योजनेची मुदत वाढवण्याबाबत विविध माध्यमातून मागणी करण्यात येत होती. त्या अनुषंगाने महापालिका आयुक्त अभिजीत बांगर यांनी मालमत्ता कर अभय योजनेस 1 मार्च 2021 पर्यंत अंतिम मुदतवाढ देण्याचा महत्त्वपूर्ण निर्णय घेतला आहे. 

मालमत्ताकर हा महापालिकेच्या उत्पन्नाचा प्रमुख स्त्रोत असून 15 डिसेंबर 2020 ते 15 फेब्रुवारी 2021 या दोन महिन्यांच्या कालावधीकरिता थकीत मालमत्ता कराच्या दंडात्मक रक्कमेवर 75 टक्के सूट देणारी थकबाकीदारांसाठी लाभदायी अभय योजना जाहीर करण्यात आली होती. 

अभय योजनेअंतर्गत 15 फेब्रुवारीपर्यंत 97 कोटी 88 लाख इतकी रक्कम प्रत्यक्ष जमा झाली असून अभय योजनेचा लाभ घेताना नागरिकांना 52 कोटी 30 लाख रक्कमेपेक्षा अधिक रक्कमेची सूट मिळाली आहे. या दोन महिन्यांच्या अभय योजनेस अजून थोडा कालावधी वाढवून मिळावा, अशा प्रकारची मागणी केली जात होती. ही मुदत 15 दिवस वाढवून देण्यात आली आहे.

आता 1 मार्च 2021 पर्यंत थकबाकीदार नागरिकांनी मालमत्ता कराची संपूर्ण थकीत रक्कम अधिक 25 टक्के दंडात्मक रक्कम भरणा केल्यास त्यांच्या दंडात्मक रक्कमेवर 75 टक्के सूट मिळणार आहे. तरी नागरिकांनी या सुवर्ण संधीचा लाभ घेऊन 1 मार्चपर्यंत न थांबता आजच नवी मुंबई महापालिकेच्या या वेबसाईटला भेट देऊन अभय योजनेचा लाभ घ्यावा व शहर विकासास हातभार लावावा, असे आवाहन महापालिका आयुक्त अभिजीत बांगर यांच्या वतीने करण्यात येत आहे. 

mumbai news property tax exemption scheme by navi mumbai municipal corporation


 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com