७ कोटी रुपये किंमतीच्या २ हजाराच्या बनावट नोटा जप्त; मुंबई पोलिसांची कारवाई

मुंबई - बनावट नोटा वितरीत करण्याच्या उद्देशाने आलेल्या टोळीचा मुंबई पोलिसांनी पर्दाफाश केला आहे. भारतीय चलनाच्या सात कोटी रुपयांच्या बनावट नोटा आणि ७ वेगवेगळ्या कंपन्यांचे मोबाइल त्यांच्याकडून जप्त करण्यात आले आहेत. याशिवाय लॅपटॉप आणि काही कागदपत्रांचा समावेश आहे. दहिसर इथे पोलिसांनी ही कारवाई केली असून ७ जणांना अटक केली आहे.

बनावट नोटांचे रॅकेट सक्रिय असल्याची माहिती पोलिसांना मिळाली होती. त्यानंतर पोलिसांनी याची सविस्तर माहिती काढली असता चौघेजण बनावट नोटांच्या विक्रीसाठी येणार असल्याचं समजलं. संशयित वाहनाची तपासणी केली असता त्यामध्ये २ हजार रुपयांच्या नोटांचे २५ बंडल असल्याचं आढळून आलं. २ हजार रुपयांच्या जवळपास २५ हजार नोटा म्हणजेच पाच कोटी रुपयांच्या बनावट नोटा जप्त केल्या.

वाहन चालक परवाना, पॅनकार्ड, आधारकार्ड, निवडणूक आयोगाचं ओळखपत्र जप्त केलं असून त्यांच्याकडे २८ हजार १७० रुपये रोख रक्कमही सापडल्याचं पोलिसांनी सांगितलं.