मुंबईच्या अंडरवर्ल्ड आणि दहशतवादविरोधी कारवायांसाठी प्रसिद्ध असलेले माजी सहाय्यक पोलिस आयुक्त भानुप्रताप बर्गे यांनी नुकताच एक धक्कादायक खुलासा केला आहे. पुणे शहर पोलिसांच्या गुन्हे शाखेत कार्यरत असताना त्यांनी अनुभवलेल्या आणि मुंबईतील डान्स बारच्या सुरुवातीच्या काळातील घटनांबद्दल त्यांनी एका मुलाखतीत सविस्तर माहिती दिली. हनीट्रॅपच्या भीतीने अनेक पोलिसांना डान्सरशी लग्न करावे लागल्याची गोष्ट त्यांनी सांगितली, ज्याला त्या काळात 'रिबेरो मॅरेज' असे नाव पडले होते.