मुंबईकरांना मनोरंजन, योग, स्केटींग, सायकलिंगसाठी 'संडे स्ट्रीट'; पोलिसांचा उपक्रम

कामाचा ताण, सततची धावपळ, सततची गर्दी यांमुळे मुंबईकरांना प्रचंड तणावाला सामोरं जावं लागते. आता मुंबईकरांना तणावमुक्त करण्यासाठी पोलिसांनी पुढाकार घेतलाय. त्यासाठी मुंबई पोलिसांकडून एक खास संकल्पना राबवली जाणार आहे. रस्त्यावर उतरून मनोरंजन, योग, स्केटींग, सायकलिंगसह सांस्कृतिक उपक्रमांचा लाभ घेता यावा यासाठी मुंबई पोलिस आयुक्त संजय पांडे यांच्या संकल्पनेतून दर रविवारी 'संडे स्ट्रीट' हा अभिनव उपक्रम राबवला जाणार आहे. येत्या रविवारपासून सकाळी ६ ते 10 एकेरी मार्गावरती आणि अख्खा रस्ता वाहतूकीसाठी बंद करून नागरिकांना विविध खेळांसाठी आणि कार्यक्रमांसाठी नागरिकांना खुले करून दिले जातील.

मुंबईकरांसाठी तणावमुक्त करण्यासाठी हे सहा रस्ते होणार उपलब्ध:

मरीन ड्राईव्ह-दोराभाई टाटा रोड

गोरेगाव-माईंडस्पेसमागील रस्ता

डीएननगर -लोखंडवाला मार्ग

मुलुंड-तानसा पाईपलाईन

विक्रोळी पूर्व द्रुतगती महामार्ग ते विक्रोळी ब्रीज

वांद्रे- कार्टर रोड