Mumbai Lights Updates: मुंबईत लाईट नाही; पाणी पुरवठाही खंडित

पूजा विचारे
Monday, 12 October 2020

विविध ठिकाणी तांत्रिक बिघाडामुळे संपूर्ण महामुंबईतील वीज पुरवठा खंडीत झाला आहे. त्यामुळे लोकलसेवाही ठप्प झाली असून रुग्णालयातही दैनंदिन सेवा बंद पडल्या आहेत.

मुंबईः  विविध ठिकाणी तांत्रिक बिघाडामुळे संपूर्ण महामुंबईतील वीज पुरवठा खंडीत झाला आहे. त्यामुळे लोकलसेवाही ठप्प झाली असून रुग्णालयातही दैनंदिन सेवा बंद पडल्या आहेत.

जाणून घ्या मुंबईतील वीज पुरवठा खंडीत संदर्भातले अपडेट्स

  • अनेक भागातील पाणी पुरवठाही खंडीत झाला आहे.
  • कलवा पडघा आणि खारघर येथील ट्रान्सफरमर मध्ये ट्रीपिंग झाल्याने सकाळी 10:30 वाजल्याच्या सुमारास संपूर्ण महामुंबईचाा विज पुरवठा बंद झाला आहे.
  • लवकरात लवकर वीज पुरवठा सुरळीत करण्याचा प्रयत्न सुरु असल्याचे वीज पुरवठा कंपन्यांकडून सांगण्यात आले.
  • यामुळे सर्वच रुग्णालयाती एक्सरे,एमआरआय मशिन बंद पडल्याने रुग्णांचे हाल होत आहे.तसेच लोकल सेवाहीी बंद पडली आहे.काही शस्त्रक्रीयांवरही परीणाम होण्याची शक्यता आहे.
  • ग्रीड बंद पडल्यामुळे मध्य रेल्वेच्या लोकल सेवा  थांबल्या आहेत..मात्र रोहा- जेएनपीटी विभागातील रेल्वे सेवा सुरू आहे.
  • सकाळी दहा वाजण्याच्या सुमारास  टाटा कंपनीच्या ग्रीडमध्ये तांत्रिक बिघाड झाल्याने पश्चिम रेल्वेवरील चर्चगेट ते बोरिवली दरम्यानची लोकल सेवा ठप्प झाली आहे आहे. दुरुस्तीचे काम वेगाने सुरू असून लवकरच रेल्वे सेवा पूर्ववत होईल, असे पश्चिम रेल्वेने सांगितले.  दरम्यान, बोरिवली ते विरार मार्गावरील लोकल सेवा सुरळीत सुरू असल्याचेही पश्चिम रेल्वेने सांगितले.
  • रुग्णालयाना तातडीने जनरेटर आणि इंधन पुरविण्याचे आदेश महापालिका आयुक्त इक्बाल सिंह चहल यांनी दिले आहे .किमान आठ तास पुरेल इतका इंधन साठी करुन ठेवण्याचे निर्देश देण्यात आले आहे.विशेषता आयसीयू सेवेत खंड पडू न देण्याचे आदेश देण्यात आले आहे.
  • मध्य रेल्वे मार्गावर 10.5 मिनिटाने बंद पडलेली हार्बर रेल्वे मार्ग आता 10.55 वाजताच्या दरम्यान हार्बर रेल्वे मार्ग पूर्ववत सुरू करण्यात आला आहे. तर मेन लाईन अद्याप ठप्प आहे.

 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: mumbai power cut updates affects on water supply