मुंबई पुणे एक्सप्रेस वेवरून मुंबईच्या दिशेने जाणाऱ्यांसाठी मोठी बातमी समोर येत आहे. यशवंतराव चव्हाण मुंबई-पुणे द्रुतगती महामार्गावर असणारा पनवेल एक्झिट ११ फेब्रुवारीपासून ६ महिन्यांच्या कालावधीसाठी बंद राहणार आहे. कळंबोली जंक्शनच्या कामकाजामुळे हा निर्णय घेण्यात आल्याची माहिती समोर येत आहे. रस्ते विकास महामंडळाकडून एक नवा उड्डाणपूल आणि अंडरपास तयार करण्यात येत असल्यानं पनवेल एक्झिट बंद ठेवला जाणार आहे.