अधिवेशनात गाजणार मुंबईतील प्रश्‍न 

अधिवेशनात गाजणार मुंबईतील प्रश्‍न 

मुंबई - विधिमंडळाच्या अधिवेशनात राज्यातील दुष्काळावरून रान उठणार असून मुंबईतील पाणीटंचाईसह वाहतूक कोंडी, तसेच नागरी प्रश्‍नही गाजण्याची शक्‍यता आहे. 

मुंबईत मेट्रोचे काम महत्त्वाच्या रस्त्यांवर सुरू आहे. या कामांमुळे वाहतुकीला मोठा अडथळा निर्माण झाला आहे. ठिकठिकाणी वाहतूक कोंडी होत असून त्यामुळे मुंबईचा वेग मंदावला आहे. या प्रश्‍नावरून विरोधक सत्ताधाऱ्यांना लक्ष्य करण्याची शक्‍यता आहे. डिलाईल रोड पूल बंद केल्यामुळे दक्षिण मुंबईतील वाहतुकीचा बोजवारा उडाला आहे. मुंबईतील शंभर वर्षांपूर्वीचे पूल पाडून त्यांची पुनर्बांधणी करण्यात येणार आहे. मात्र या कामांनाही वेग नाही. त्यामुळे रेंगाळेल्या पुलांच्या पुनर्बांधणीचा प्रश्‍न ऐरणीवर येण्याची शक्‍यता आहे. पुलांची दुरुस्ती आणि पुनर्बांधणी याबाबत मोठे अडथळे निर्माण होत आहे. पुलांचा विषय चर्चेला येण्याची शक्‍यता आहे. 

मुंबई महापालिकेत नगरसेवक राहिलेल्या काही आमदारांना मुंबईच्या प्रश्‍नांची जाण आहे. मुंबईतील आमदारही अनेक शहरांतील विविध प्रश्‍नांवर काम करीत आहेत. त्यामुळे ते विधिमंडळाच्या अधिवेशनात मुंबईचे प्रश्‍न मांडण्याची शक्‍यता आहे. 

अधिवेशनात येणारे मुंबईतील प्रश्‍न 
मुंबईत दहा टक्के पाणीकपात झाल्यानंतर शहर आणि उपनगरांत पाणीटंचाईचे संकट निर्माण झाले आहे. पाणीटंचाईचा प्रश्‍न, मुंबईत निर्माण होणाऱ्या सात हजार मेट्रिक टन कचऱ्याची विल्हेवाट लावण्यासाठी निर्माण झालेल्या डम्पिंग ग्राऊंडचा प्रश्‍न, मेट्रोच्या कामांमुळे होणारी वाहतूक कोंडी, रस्त्यातील खड्डे, गिरणी कामगारांच्या घरांचा प्रश्‍न, शासकीय रुग्णालयांमध्ये वैद्यकीय सुविधांची कमतरता आदी प्रश्‍न अधिवेशनात चर्चेला येण्याची शक्‍यता आहे. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com