मुंबई : भायखळा रेल्वे स्थानकाला नवे रूप | Sakal
sakal

बोलून बातमी शोधा

 भायखळा रेल्वे

मुंबई : भायखळा रेल्वे स्थानकाला नवे रूप

मुंबई : भायखळा रेल्वे स्टेशनला मूळ गॉथिक, वारसा, वास्तू वैभव देण्यासाठी मागील तीन वर्षांपासून काम सुरू होते. अखेर हे काम पूर्ण झाले असून पुन्हा नव्याने कौलारू छप्पर असलेले, दगडी भिंती असलेले भायखळा स्थानक जिवंत झाले आहे. या स्थानकाचे लोकार्पण शुक्रवारी (ता. २९) करण्यात आले.

भायखळा स्थानकाचे लोकार्पण रेल्वे राज्यमंत्री रावसाहेब दानवे यांच्या हस्ते करण्यात आले. याप्रसंगी विरोधी पक्षनेते देवेंद्र फडणवीस, आय लव्ह मुंबईचे विश्वस्त शायना एन.सी, बजाज ग्रुप आणि जमनालाल बजाज फाऊंडेशनचे मीनल बजाज आणि निरज बजाज, हेरिटेज कॉन्झर्व्हेशन आर्किटेक्ट आभा नारायण लांबा, मध्य रेल्वेचे महाव्यवस्थापक अनिल कुमार लाहोटी उपस्थित होते.

यावेळी दानवे म्हणाले की, रेल्वे १०० टक्के विद्युतीकरणाकडे वाटचाल करत असून २०२३ पर्यंत हे उद्दिष्ट गाठणार आहे. पुणे-नाशिक रेल्वे मार्गाला नीती आयोगाने मान्यता दिली आहे. महाराष्ट्रातील २८ रेल्वेस्थानके अपग्रेडेशनसाठी निश्चित केली आहेत.

रेल्वे स्थानके आणि स्वच्छतेतही उल्लेखनीय बदल झाल्याचे त्यांनी सांगितले. देवेंद्र फडणवीस म्हणाले की, भायखळा हे भारतातील सर्वात जुने रेल्वेस्थानक आहे. संपूर्ण नियोजनबद्धरित्या अंमलबजावणीचे काम पूर्ण झाले आहे. भायखळा रेल्वेस्थानक त्याच्या प्राचीन, वारसा वास्तुकला उत्कृष्टतेने जवळपास पुनर्संचयित करण्यात आले आहे.

Web Title: Mumbai Railway Station Inaugurated

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top