Mumbai Rain Update : मुंबईत पाऊस कधी येणार? जाणून घ्या हवामान अभ्यासकांचा अंदाज

मुंबई, ता. १ : मुंबईत ४-५ जून रोजी पावसाचे आगमन होणार असल्याचा अंदाज हवामान अभ्यासकांनी वर्तवला आहे. यामुळे पावसाची प्रतीक्षा लवकरच संपण्याची शक्यता वर्तवली आहे. हवामान विभागाच्या अंदाजानुसार, मुंबईत ४-५ जूनपर्यंत काही मध्यम सरी पडण्याची शक्यता आहे. तरी मुंबईत ६ ते १३ जूनपर्यंत चांगला पाऊस अपेक्षित आहे. ३० मे ते ६ जून या कालावधीत पावसाच्या तीव्रतेत काही बदल दिसून आले आहेत. त्यानुसार हा अंदाज वर्तवण्यात आल्याचे हवामान अभ्यासक ऋषिकेश आग्रे यांनी सांगितले.

यंदा पावसाचे आगमन वेळेत होईल, असा अंदाज असून यंदा पावसाचे प्रमाणही चांगले असेल. पावसाची प्रगती योग्य गतीने सुरू असून त्यामुळे मुंबईत पाऊस वेळेवर येईल, असा अंदाजही आग्रे यांनी वर्तवला आहे.

हवामान विभागाच्या अंदाजानुसार शहर आणि उपनगरात आकाश अंशतः ढगाळ राहील. तर शहर आणि उपनगरात उष्ण आणि दमट परिस्थिती राहण्याची शक्यता आहे. किमान तापमान अनक्रमे ३६ अंश सेल्सिअस आणि २९ अंश सेल्सिअस राहण्याची शक्यता आहे.