Corona Update : मुंबईतील रुग्णसंख्या पुन्हा वाढली; आज 532 नवे रुग्ण

मुंबई : कोविड च्या दुसऱ्या लाटेनंतर नियंत्रणात आलेली रुग्णासंख्या आज उन्हा वाढलेली दिसली. आज दिवसभरात 532  नवीन रुग्णांची नोंद झाली. दुसऱ्या लाटेनंतर पाचव्यांदा बाधित रुग्णसंख्या 500 च्या वर गेली असून यापूर्वी 11 जुलै 555 आणि 8 सप्टेंबर 530,3 ऑक्टोबर 570, 6 ऑक्टोबर 629 रुग्ण सापडले होते. 

कोरोना बाधित रुग्णांची एकूण संख्या 7,45,792 वर पोहोचली आहे. तर 540 रुग्णांनी कोरोनावर मात केल्याने आतापर्यंत 7,22,636 रुग्ण कोरोनामुक्त झाले आहेत. आज मृतांचा आकडा ही वाढला असुन 8 कोविड मृत्यूची नोंद झाली. मृतांचा एकूण आकडा 16,136 वर पोचला आहे.

बरे झालेल्या रूग्णांचा दर 97 टक्के असून कोविड वाढीचा दर 0.06 टक्के आहे.मुंबईतील रूग्ण दुपटीचा कालावधी कमी होऊन 1131 दिवस झाला.आज दिवसभरात 39,569 कोविड चाचण्या झाल्या असून आतापर्यंत 1,05,74,242 एवढ्या चाचण्या झाल्या आहेत. मुंबईत सध्या 4519 सक्रिय रुग्ण आहेत.