मुंबई : ज्येष्ठ नागरिक, अपंग, गर्भवती आदींना बिगरवैद्यकीय तातडीच्या कारणांसाठी महिंद्र लॉजिस्टिक्सतर्फे अलाईट (ALYTE) कॅब सेवा सुरू झाली आहे. ही कॅब सेवा मुंबई शहर, ठाणे, नवी मुंबई येथेही उपलब्ध असेल.
मुंबईच्या पश्चिम उपनगरांत १४ एप्रिलपासून सुरू झालेल्या अलाईट कॅब सेवेचा लाभ 150 ते 200 प्रवाशांनी घेतला आहे. या सेवेसाठी पाच कॅब आहेत, त्यासाठी रोज 200 ते 250 व्यक्तींनी मागणी नोंदवली. तथापि, ही सेवा केवळ ज्येष्ठ नागरिक, अपंग आणि गर्भवती अशा विशिष्ट व्यक्तींना तातडीच्या कामासाठीच असल्याने निवडक लोकांनाच लाभ देण्यात आला. आणीबाणीच्या प्रसंगांसाठी नोंदवलेल्या मागणीसंदर्भात संबंधितांचा पोलिसांशी संपर्क साधून देण्यात आला. मोठ्या वैद्यकीय आणीबाणीच्या प्रसंगांत पोलिसांच्या सहकार्याने अपवाद करण्यात आले, असे महिंद्र लॉजिस्टिक्सचे विभू मन्या यांनी सांगितले.
या कॅब सेवेसाठी मुंबईच्या अन्य भागांतूनही मागणी होत असून, प्रशासन व पोलिसांच्या परवानगीची प्रतीक्षा आहे. लवकरच ठाणे आणि वाशी येथेही अलाईट कॅब सेवा देण्याचा महिंद्र लॉजिस्टिक्सचा विचार आहे. ज्येष्ठ नागरिक, अपंग, गर्भवती आदींना बँक, टपाल कार्यालय, रुग्णालयांत जाण्यासाठी किंवा औषधे, अत्यावश्यक वस्तू आणण्यासाठी ही सेवा दिली जाते. डॉक्टर, परिचारिका आदी अत्यावश्यक सेवा देणाऱ्यांनाही या कॅब मिळू शकतात.
Mumbai, Thane, Navi Mumbai Now Elite Cab service
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.