Mumbai Crime : भटक्या श्वानावर अनैसर्गिक अत्याचार; विकृत नराधम अटकेत

मुंबई - मुंबईत भटक्या श्र्वानासोबत एका विकृत नराधमाने अनैसर्गिक संबंध ठेवल्याची धक्कादायक घटना उघडकीस आली आहे. मुंबईतील अंधेरीच्या अंबोली परिसरात ही घटना घडली आहे. याप्रकरणी एका 45 वर्षीय मितलेश दस या आरोपीला अटक करण्यात आली असल्याची माहिती अंबोली पोलिसांनी दिली आहे.

अंबोली पोलिसांनी दिलेल्या माहितीनुसार, बालाजी टेलीफिल्म्स, वीरा देसाई रोड, अंधेरीजवळ सोमवारी 3 एप्रिल रोजी संध्याकाळी ही घटना घडली. या ठिकाणाहून रस्त्यावरून जात असताना एका 25 वर्षीय महिलेने आरोपी मितलेश दासला श्वानाबरोबर अनैसर्गिक संबंध करताना पाहीले. संतप्त महिलेने त्याला हटकले, परंतु आरोपी बधला नाही. महिलेने तातडीने जवळील अंबोली पोलिस स्टेशन गाठत आरोपीविरोधात तक्रार दिली.

महिलेने दिलेल्या तक्रारीच्या आधारे विकृताविरोधात गुन्हा दाखल केला आणि तपास सुरू केला.त्यानंतर पोलिसांनी तातडीने घटनास्थळी धाव घेतली. परंतु आरोपी तेथे नव्हता. पोलिसांनी परिसरातील सीसीटिव्ही कॅमेरे तपासले असता आरोपीची ओळख पटली. त्याचा माग काढत त्याच्या घरातून आरोपी मितलेश दास अटक करण्यात आली.