Thane News: मासे पाहिजेत आजच घ्या! अवकाळी पावसाचा बाजारावर परिणाम; सुके बोंबील, मांदेली खरेदीसाठी ग्राहकांची लगबग

ठाणे (बातमीदार) : यंदा मे महिन्याच्या अखेरीसच अवकाळी पावसाने जोरदार हजेरी लावली आहे. परिणामी पावसाळ्यापूर्वीच सुकी बोंबील, मांदेली, माखली, करंदी यांची खरेदी करण्यासाठी बाजारात ग्राहकांची गर्दी वाढली आहे. .प्रत्येक वर्षी जून ते ऑगस्टदरम्यान समुद्रात मासेमारीस बंदी असते. त्यामुळे पावसाळ्यात दरवाढ होणे आणि ताज्या माशांची कमतरता ही समस्या जाणवते. यंदा मात्र पावसाच्या आगमनाने सुक्या माशांच्या प्रकारांचा हंगाम लवकर सुरू झाला आहे..सध्या ठाण्यातील बाजारामध्ये खारबाव, उत्तन, भिवंडी, वसई, उरण, पनवेल या भागांतील महिला विक्रेते सुके बोंबील, मांदेली, माखली, करंदी, बांगडे, जवना, अवका, कट, सोडे वगैरे विक्रीस आणत आहेत. त्यामुळे बाजारात चांगली आवक दिसून येत आहे..सध्या बोंबील लहान ते मोठ्या आकारात ७०० ते ८०० रुपये प्रतिकिलो, मांदेली १८० ते २०० रुपये वाटा, सोडे ९०० ते ८५० रुपये किलो, माखली २५० रुपये किलो दराने उपलब्ध आहे. करदी व जवना हे प्रकार १०० ते १३० रुपये वाट्याप्रमाणे विकले जात आहेत. दर वाढले असले तरी ग्राहकांची खरेदीमधील उत्सुकता तसूभरही कमी झालेली नाही..ZP School: जि.प. शाळेच्या पटसंख्येसाठी आगळावेगळा उपक्रम, ५० टक्के सवलत मिळणार; नेमकी योजना काय? .पावसाचा परिणामगेल्या काही दिवसांपासून वसंत उष्णता आणि अचानक आलेल्या पावसामुळे मासेमारीवर परिणाम झाल्याने बाजारात ताज्या माशांची आवक घटली आहे. परिणामी ग्राहकांनी पर्याय म्हणून सुक्या बोंबील, मांदेली, माखली यांना पसंती दिली आहे. अनेक महिलांनी आधीच घरगुती वापरासाठी सुकी मच्छी साठवण्यास सुरुवात केली असून, यामुळे बाजारात सकाळपासूनच खरेदीसाठी गर्दी वाढते आहे..सुक्या मच्छीचा गतीमान बाजारसध्या सुक्या बोंबील, माखली, मांदेली यांचा बाजार चांगलाच गतीमान झाला आहे. जून महिन्याच्या सुरुवातीपासूनच मच्छीप्रेमींसाठी हा हंगाम पर्वणी ठरतोय. यामुळे पुढील काही आठवड्यांत दर आणखी वाढण्याची शक्यता असून, नागरिकांनी वेळीच खरेदी करून साठवणूक करून ठेवण्याचा सल्ला विक्रेत्यांकडून दिला जात आहे..विक्रेत्या महिलांनी सांगितले की, पावसाळ्यात सुक्या बोंबील व माखलीची मागणी वाढते. यावर्षी पावसामुळे हंगाम लवकर सुरू झाल्याने आम्हालाही तयारीने यावे लागले. आवक कमी असल्याने दर थोडेसे वाढले आहेत, पण ग्राहक आहेत.विक्रेत्या महिला - सुरेखा गांधी.पावसाळ्यात ताज्या माशांची टंचाई होतेच, म्हणून आम्ही दरवर्षी आधीच सुकी मच्छी साठवतो. यंदा पाऊस लवकर आल्याने बाजारात गर्दी वाढलीय. किंमती थोड्या वाढल्या असल्या तरी घरासाठी बोंबील, मांदेली साठवणं गरजेचं वाटतं.गृहिणी - कांचन जाधव.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.