मुंबईत विना मास्क फिरणाऱ्यांकडून तब्बल 44 कोटींचा दंड वसूल

मुंबई: मास्क न वापरणाऱ्या तब्बल 22 लाख 6 हजार जणांवर कारवाई करुन आता पर्यंत 44 कोटी 49 लाखांचा दंड वसूल करण्यात आला आहे. मुंबईच्या लोकसंख्येच्या 17 टक्‍क्‍यांहून अधिक नागरिकांवर आता पर्यंत मास्क न वापरल्या प्रकरणी कारवाई झाली आहे. मात्र, आजही मुंबईतील अनेक भागांमध्ये विना मास्क फिरणाऱ्यांची संख्या कमी होत नाही. खासकरुन लहान गल्ल्यांमध्ये रस्त्यांवर असे प्रकार सर्रास सुरु आहेच.

शनिवारी(ता.20) मुंबईत मास्क न वापरणाऱ्या 21 हजार 420 जणांवर कारवाई करुन 42 लाख 84 हजार रुपयांचा दंड वसूल केला. ही कारवाई एप्रिल महिन्यापासून सुरु आहेत. तर फेब्रुवारी महिन्याच्या मध्यानंतर महानगर पालिका आयुक्त इक्‍बाल सिंह चहल यांनी पोलिसांनाही या कारवाईचे अधिकार दिले. रेल्वे स्थानकावरही क्‍लिन अप मार्शल तैनात करण्यात आले आहेत. शनिवारी पोलिसांनी 6 हजार 789 जणांवर कारवाई करुन 13 लाख 57 हजार रुपयांचा दंड जमा केला आहे. पोलिसांनी आता पर्यंत 1 लाख 85 हजार जणांवर कारवाई करुन आता 3 कोटी 71 लाख रुपयांचा दंड जमा केला आहे. मुंबईची लोकसंख्या 1 कोटी 28 लाखांच्या आसपास आहे. आतापर्यंत मास्क न वापरणाऱ्या 22 लाख 6 हजार लोकांवर कारवाई झाली आहे.

मुंबई विभागातल्या ताज्या बातम्या वाचण्यासाठी येथे क्लिक करा.
 
हार्बर मार्गावर कारवाईचा हात आखडता

हार्बर रेल्वे मार्गाच्या हद्दीत सर्वात कमी कारवाई होत आहे. या मार्गावर शनिवारी 54 जणांवर कारवाई होऊन 10 हजार 800 रुपयांचा दंड वसूल झाला. आतापर्यंत या मार्गावर 1529 जणांवर कारवाई होऊन 3 लाख 5 हजाराचा दंड वसूल झाला आहे. पूर्व आणि पश्‍चिम मार्गावर या तुलनेने अनेक पटीने दंड वसुली होत आहे. पश्‍चिम रेल्वे मार्गावर शनिवार 267 जणांवर कारवाई झाली. तर आतापर्यंत 6 हजार 527 जणांवर कारवाई होऊन 13 लाख 5 हजार रुपयांचा दंड वसूल झाला आहे. शनिवारी 53 हजार 400 रुपयांचा दंड वसूल करण्यात आला. मध्य रेल्वेच्या मार्गावर शनिवारी 168 जणांवर कारवाई होऊन 33 हजार 600 रुपयांचा दंड वसूल झाला. आता 6 हजार 321 जणांवर कारवाई होऊन 12 लाख 64 हजार रुपयांचा दंड वसूल करण्यात आला आहे.

हेही वाचा- जनतेच्या पैशामधून कशाला? collection मधून शिवाजी पार्कला रोषणाई करा, मनसेचा शिवसेनेला टोला

 
देवनार, शिवाजीनगर मध्ये हात आखडता

एम पश्‍चिम देवनार शिवाजीनगर या भागात आतापर्यंत सर्वात कमी कारवाई होत आहे. शनिवारी या भागात फक्त 184 जणांवर कारवाई करुन 36 हजार 800 रुपयांचा दंड वसूल केला आहे. आतापर्यंत 31 हजार 766 जणांवर कारवाई होऊन 63 लाख 56 हजार रुपयांचा दंड वसूल झाला आहे.

----------------------

(संपादन- पूजा विचारे)

Mumbai Without mask Case 22 lakh people not wear masks fined 44 crore