Mumbai Local: दसऱ्यासाठी सजली मुंबईची लाइफ लाईन; नटलेल्या लोकल ट्रेनचा VIDEO तुफान व्हायरल

Mumbai Local: मुंबई लोकल मधून नेहमीच कोणते ना कोणते व्हिडिओ व्हायरल होत असतात. ते कधी मारामारीचे असतात तर कधी भांडणाचे असतात. तर कधी ते मुंबई लोकल मधून कशाप्रकारे नागरिक जीवाचा खेळ करून चाललेत याचे असतात. मात्र मुंबई लोकल मध्ये कशाप्रकारे सण साजरे केले जातात हे जर तुम्हाला बघायचे असेल तर पुढची बातमी नक्की वाचा.

कल्याणहून सकाळी सहा वाजून तीन मिनिटांनी मुंबईकडे रवाना होणाऱ्या स्लो लोकलमध्ये आज दसरा साजरा करण्यात आला. दसऱ्यानिमित्त सगळ्यांना सुट्टी असते यामुळे एक दिवस आधीच मुंबईकरांनी दसरा साजरा केला.

दसरा साजरा करताना मुंबईकरांनी पहिले लोकल समोर नारळ फोडला. यावेळी 'आंबे माता की जय' अशा घोषणा देण्यात आल्या. याचबरोबर आत येऊन लोकलमध्ये देवीचे फोटो लावण्यात आले. तिला मनोभावे फुलं चढवली गेली.

नंतर कल्याणहून लोकल मुंबईच्या दिशेने रवाना झाली. डोंबिवलीला अजून काही लोक चढले या ठिकाणी डोंबिवली ते दिव्या दरम्यान देवीची आरती करण्यात आली' दुर्गे दुर्घट भारी' या आरतीने सर्वच प्रसन्न झाल्याचे पाहायला मिळाले.

पुढे सर्वांना प्रसाद वाटण्यात आला आणि मोठ्या उत्साहात मुंबईकरांनी लोकलमध्ये दसरा साजरा केला. सर्वात महत्त्वाचं म्हणजे अख्या लोकलला पताका लावण्यात आल्या होत्या. अनोळखी व्यक्तीही येऊन त्या पताका लावण्यामध्ये नागरिकांची मदत करत होते. यामुळे मुंबईकरांचे एकात्मतेचे आणि एकजुटीचे दर्शन या ठिकाणी झाले.