पत्नीने मुलीसोबत केली पतीची हत्या; लग्नावरून व्हायचे वाद| Murder | Sakal
sakal

बोलून बातमी शोधा

Murder

पत्नीने मुलीसोबत केली पतीची हत्या; लग्नावरून व्हायचे वाद

ठाणे : जिल्ह्यातील कल्याण शहरात ४५ वर्षीय महिलेने २६ वर्षीय मुलीसह ५५ ​​वर्षीय पतीची हत्या (Murder) केली. मुलीच्या लग्नावरून कुटुंबात रोज भांडणे होत होती. कोळसेवाडी पोलिसांनी शुक्रवारी महिला व मुलीला अटक केली. प्रकाश बोरसे असे मृताचे नाव असून, ते हवालदार म्हणून कार्यरत होते.

बोरसे यांच्या मुलीचे लग्न झाले होते. परंतु, तिला पतीसोबत राहायचे नव्हते. यामुळे ती घटस्फोटाची मागणी करीत होती. मात्र, वडील तिला जाण्यासाठी सांगत होते. गुरुवारी पत्नी ज्योती आणि मुलगी भाग्यश्री पवार रात्री जेवण बनवताना बोरसे यांनी पुन्हा मुलीच्या लग्नाबाबत बोलणे सुरू केले आणि त्यांच्यात वाद झाला. यातच पत्नी व मुलीने प्रकाश बोरसे यांची हत्या (Murder) केली.

हेही वाचा: आजीचे अनैतिक संबंध; अडसर ठरणाऱ्या ३ वर्षीय नातीची हत्या

शेजाऱ्यांनी पोलिस अधिकाऱ्यांना सांगितले की, प्रकाश आणि कुटुंबीयांमध्ये मुलीला सासरी पाठवण्यावरून वाद झाला होता. यावर संतापलेल्या पत्नी ज्योतीने लोखंडी सळईने प्रकाश यांच्या डोक्यावर हल्ला केला. सोबतच मुलीनेही वडिलांना मारहाण सुरू केल्याने ते बेशुद्ध झाले. बोरसे यांना आरोपी आणि शेजाऱ्यांनी रुग्णालयात नेले. परंतु, डॉक्टारांनी त्यांना मृत घोषित केले, असे कोळसेवाडी पोलिस ठाण्याचे पोलिस निरीक्षक किसन गवळी यांनी सांगितले. पोलिसांनी दोन्ही महिला आरोपींना आयपीसी ३०२ अंतर्गत अटक केली आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top