पोलिस तपासात राजूनंच खलबत्याच्या सहाय्यानं मनिषाला मारहाण केल्याचं समोर आलंय.
मुंबईतील साकीनाका परिसरात 29 वर्षीय मुलीची डोक्यात खलबत्ता मारुन आणि गळ्यावर चाकूनं वार करत हत्या केल्याची धक्कादायक घटना समोर आलीय. मनिषा जाधव (Manisha Jadhav) असं त्या मुलीचं नाव आहे. गुरूवारी मध्यरात्री 1 च्या सुमारास साईबाबा मंदिराजवळ संघर्षनगर, चांदिवली येथे जखमी अवस्थेत मुलगी पडली असल्याची माहिती पोलिसांना मिळाली.
दरम्यान, पोलिसांनी घटनास्थळी धाव घेत मनिषा हिला तातडीनं उपचारासाठी जवळील घाटकोपरच्या राजावाडी रुग्णालयात (Ghatkopar Rajawadi Hospital) नेलं. मात्र, उपचारादरम्यान मनिषाचा मृत्यू झाल्याचं डाॅक्टरांनी घोषित केलं. मनिषा ही मागील 3 वर्षापासून तिचा मित्र राजू निळे (वय 42) याच्यासोबत लिव्ह अॅण्ड रिलेशनशिपमध्ये (Live and Relationship) राहत होती. राजू पहिल्या पत्नीला भेटायला गेलाय, हे समजल्यानंतर मनिषा आणि राजू यांच्यात वाद झाला. त्याच वेळी रागातून राजूनं मनिषाला मारहाण केली.
पोलिस तपासात राजूनंच खलबत्याच्या सहाय्यानं मनिषाला मारहाण केल्याचं समोर आलंय. राजू हा टिव्ही दुरूस्तीचं काम करत असून मनिषा ही घरकाम करत असल्याची माहित पोलिसांनी दिलीय. या प्रकरणी पोलिसांनी राजूला अटक केली असून साकीनाका पोलिस ठाण्यात (Sakinaka Police Station) गुन्हा दाखल केलाय.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.