Navi Mumbai: मॉर्निंग वॉक, जॉगिंग करताना काळजी घ्या! अपघात टाळण्यासाठी ऐरोली जंक्शन ते घाटकोपर वाहतुकीत बदल

मुंबई : सकाळी मॉर्निंग वॉक, जॉगिंग करताना लहान मोठे अपघात होत असतात. हे अपघात टाळण्यासाठी वाहतूक पोलीसांनी रस्ते वाहतुकीत बदल केला आहे. त्यानुसार, ऐरोली जंक्शन ते घाटकोपर पूर्व द्रुतगती महामार्गाच्या दक्षिण वाहिनीवरील सर्व्हिस रोड हा पहाटे ०५.०० ते ०७.३० पर्यंत वाहतुकीसाठी बंद राहणार आहे. वाहतूक नियमनाकरीताचा हा आदेश ३१ मे २०२५ पर्यंत लागू राहणार आहे. (Navi Mumbai people be careful while morning walk jogging changes in road traffic to avoid accidents)

ऐरोली जंक्शन ते घाटकोपर, पंतनगर पर्यंत दक्षिण वाहिनीवरील सर्व्हिस रोडवर पहाटे ५ ते साडेसात दरम्यान आसपासच्या परिसरातील लोक मॉर्निंग वॉक, जॉगिंगसाठी मोठ्या संख्येने येत असतात. त्याच कालावधीत सेवा मार्गावरून वाहनांचीही वाहतूक होत असते. त्यामुळं या सेवा मार्गावर लहान मोठे अपघात होण्याची शक्यता आहे. त्यानुसार इथल्या वाहतूक नियमनाकरीता आदेश ३१ मे २०२५ पर्यंत लागू राहतील.

रस्ता वाहतुकीकरीता बंद

ऐरोली जंक्शन ते घाटकोपर, पंतनगरपर्यंत पूर्व द्रुतगती महामार्गाचे दक्षिण वाहिनीवरील सर्व्हिस रोड पहाटे ०५.०० ते ०७.३० वाजेपर्यंत सर्व प्रकारच्या वाहनांना वाहतुकीकरीता बंद राहणार आहे. त्यासाठी पर्यायी मार्ग म्हणून या कालावधीत सर्व प्रकारची वाहनं सर्व्हिस रोड ऐवजी मुख्य मार्गावरून सुरु राहिलं.