भाजप प्रवेशाच्या चर्चा असतानाच गणेश नाईकांचा भाजपला दणका

नवी मुंबई : राष्ट्रवादी काँग्रेसचे नवी मुंबईतील दिग्गज नेते गणेश नाईक यांच्या भाजप प्रवेशाच्या चर्चा सुरु असतानाच त्यांनी भाजप-शिवसेना युतीच्या स्थानिक नेत्यांना दणका दिला आहे. 

नवी मुंबई स्पोर्ट्स असोसिएशनच्या निवडणुकीत नाईक यांच्या पॅनलला युतीच्या पॅनलने आव्हान दिले होते. पण या निवडणुकीत नाईक गटाने युतीचा धुरळा उडविलाऑ. नाईक यांनी युतीच्या नमो पॅनलचा 11 विरुद्ध 1 अशा मोठ्य़ा फरकाने पराभव केला. त्यामुळे भाजप प्रवेशाची चर्चा सुरु असतानाच युतीच्या नेत्यांना धक्का दिल्याने याची चर्चा होत आहे.

नाईक यांच्या भाजपप्रवेशाची चर्चा गेल्या अनेक दिवसांपासून होत आहे. नुकतेच त्यांचे पुत्र व ऐरोलीचे आमदार संदीप नाईक यांनी भाजपमध्ये प्रवेश केला होता. त्यावेळी मुख्यमंत्री देवेंद्र फडणवीस म्हणाले होते, की आम्ही आगोदर मुलांना घेतो मग त्यांच्यामागे त्यांचे वडिल येतात. आता या पराभवामुळे नाईक आणि युतीच्या नेत्यांचे मनोमिलन कसे होणार याकडे सर्वांचे लक्ष आहे.