चिंताजनक ! चेंबूरच्या 'या' प्रभागात 1 हजार पेक्षा अधिक कोरोनाबाधित, तर इतक्या जणांचा...

चेंबूर : चेंबूर येथील एम पश्चिम प्रभागात आतापर्यंत 1028 कोरोनाबाधित रुग्ण आढळले असून त्यातील 78 जणांचा मृत्यू झाला आहे. पी.एल. लोखंडे मार्ग कोरोनाने सर्वात जास्त प्रभावित झाला आहे त्या ठिकाणी 305 जणांना कोरोनाची लागण झाली आहे असून दिवसेंदिवस या ठिकाणची रुग्ण संख्या वाढत आहे.

नक्की वाचा : हृदयद्रावक! उपाशी राहून केला ६० तासांचा प्रवास, अखेर भुकेमुळे निधन; श्रमिक ट्रेनमधलं दुर्दैवी वास्तव..  

एम पश्चिम प्रभागाच्या हद्दीत सुरवातीला अत्यंत कमी प्रमाणात कोरोना बाधित रुग्ण आढळत होते. मात्र झोपडपट्टी भागात कोरोनाने शिरकाव केल्यानंतर रुग्णांचा आकडा दिवसेंदिवस वाढत गेला. पी. एल. लोखंडे मार्गावर एम पश्चिम व पूर्व असे दोन प्रभाग आहेत. त्या ठिकाणी दरदिवशी आठ ते दहा जण कोरोना बाधित रुग्ण आढळतात. या ठिकाणी आतापर्यंत 205 जणांना कोरोनाची लागण झाली आहे त्यातील 132 रुग्णांनी कोरोनावर मात केली आहे. तर 19 जणांचा कोरोनाने बळी घेतला.

हे ही वाचा : विमानसेवा सुरु झाली अन् अनेकांनी मुंबई सोडण्याचा निर्णय घेतला...

काल  दिवसभरात या ठिकाणी पाच कोरोना पॉझिटिव्ह रुग्ण आढळले. या ठिकाणी कोरोनाचा प्रसार रोखण्यासाठी पालिका प्रशासनाला तारेवरची कसरत करावी लागत आहे. दाटीवाटीची झोपडपट्टी असल्याने रुग्णांची संख्या झपाट्याने वाढत आहे.

number of corona infected patients in Chembur M West Division has crossed one thousand