कोरोनाचा धोका कायम! मुंबईतील आणखी एक कोळीवाडा सील

मुंबई : मुंबईतील निम्म्या खवय्यांच्या जीभेचे चोचले पुरवणारे आणखी एका कोळी गावातील लोकांना घरातच राहावे लागणार आहे. वरळी कोळीवाडा पाठोपाठ या गावातही कोरोनाचे रुग्ण वाढू लागल्याने संपूर्ण गावच सील करण्यात आले आहे. मुंबई उपनगरातील वर्सोवा कोळीवाडा हा मुंबईतील सर्वात मोठा कोळीवाडा आहे. या कोळीवाड्यातून दरवर्षी साधारण 400 कोटी रुपयांची मासळी विकली जाते; मात्र या गावात आतापर्यंत 50 हून अधिक कोरोना रुग्ण आढळल्यामुळे संपूर्ण गावच सील करण्यात आले आहे.

मोठी बातमी ः ...हे बेईमानीचेच लक्षण, शिवसेनेनं डागलं योगी सरकारवर टीकास्त्र

मुंबई महापालिकेने काही दिवसांपूर्वी पोलिसांना या परिसरात लॉकडाऊन कठोरपणे राबवण्यासाठी उपाययोजना करण्याची सूचना केली होती. त्यानुसार पोलिसांनी विशेष लक्ष देण्यास सुरवात केली आहे. वर्सोवा गाव हे उपनगरातील कोळी समाजाची सर्वात मोठी वस्ती असून तेथे इतर समाजाचे कुटुंबही राहतात. हा परिसर बराच दाटीवाटीचा आहे. त्यामुळे सोशल डिस्टन्सिंग पाळणे अवघड आहे. वरळी कोळीवाड्यासारखीच दाटीवटीची वस्ती या गावात आहे.

मोठी बातमी ः बोंबला ! मुंबईच्या जी टी हॉस्पिटलमधून कोरोनाग्रस्त रुग्ण पळाला, वाचा नक्की काय झालंय.. 

या भागातील औषधाची दुकाने  पूर्णवेळ सुरु ठेवण्यात येत आहे. तर इतर अत्यावश्यक सेवांची दुकाने ठराविक काळासाठी सुरु राहातील, याची खबरदारी घेतली जात आहे. वरळी कोळीवाडा पूर्णपणे सील केल्यानंतर तेथील रुग्णांची संख्या नियंत्रणात आली होती. त्यानंतर वर्सोवा कोळीवाड्यातही हाच उपाय केला जात आहे.