'त्या' नायजेरियन डिलरने ट्रेनची चेन ओढली आणि तिथेच फसला, RPF पोलिसांनी तपासली बॅग आणि खेळ खल्लास

मुंबई : दिल्ली ते एर्नाकुलम मंगला एक्सप्रेस विशेष गाडीने मादक द्रव घेऊन प्रवास करणाऱ्या नायजेरीयन माणसाला मुंबई आरपीएने अटक केली आहे. नॉयडा येथून मादक द्रव आणून मुंबईत विकण्याचा त्याचा बेत होता. पनवेल आधीच निळजे आणि तळोजा दरम्यान त्यांनी गाडीची चेन खेचून गाडीतून उतरण्याच्या प्रयत्न.  गाडीतून उतरताना आरपीएफ पोलिसानं  त्याला पाहिलं आणि त्याच्यी झडती घेतली. बॅगची झाडाझडती घेतल्यानंतर त्यामध्ये संशयास्पद पावडर आढळून आल्याने त्याला पोलिसांनी अटक केली. अधिक चौकशीत त्याच्याकडे सुमारे दोन कोटींचे मादक द्रव आढळून आले आहेत.  

BIG NEWS - भाजपच्या 'या' खासदाराकडून कोरोना योद्धांना एक ग्रॅम सोनं देऊन सत्कार 

नवी दिल्लीतील नॉयडा येथून मादक द्रव घेऊन प्रवास करणाऱ्या नायजेरीयन नागरिकाला मुंबई आरपीएफ पोलिसांनी तात्काळ अटक केली. निळजे ते तळोजा दरम्यान त्याने एर्नाकुलम मंगला एक्सप्रेस फलाटावर जाण्यापुर्वीच चेन घेचून गाडी रोखली होती. दरम्यान रेल्वे स्थानकावर तैनात आरपीएफ पोलिसांना ही बाब लक्षात आली. दरम्यान त्याला अटक केल्यानंतर बँगची झाडाझडती घेतली त्यामध्ये पांढऱ्या पावडर सारखे पदार्थ आढळून आले होते.

BIG NEWS -  कोरोना विजेत्यांना सचिन तेंडुलकरने केले आवाहन; काय म्हणाला सचिन वाचा सविस्तर...

सदर नायजेरियन व्यक्तीकडे असणारी पावडर नारकोटीक कंन्ट्रोल ब्युरो (एनसीबी)ने तपासल्यानंतर हे ड्रग्ज असल्याचे निष्पन्न झाले आहे. या व्यक्तीकडे असणारी पावडर  म्हणजे सुमारे 2.3 किलो वजनाचे अ‍ॅम्फॅटामाइन्स नावाचं मादक द्रव्य असल्याचे आढळून आले. या ड्रग्जची बाजारातील किंमत सुमारे  2 कोटी असल्याचा अंदाज आहे. नारकोटिक ड्रग्स अँड सायकोट्रोपिक सबस्टन्ससेस (एनडीपीएस) कायद्यांतर्गत आरोपी आणि जप्त केलेले ड्रग्स एनसीबी अधिका-यांकडे सुपूर्द करण्यात आल्याचे मुंबई विभागाचे वरिष्ठ विभागीय सुरक्षा आयुक्त के के अशरफ यांनी सांगितले आहे.

one Nigerian man arrested by mumbai police for caring white powder worth 2 core