कोरोना विजेत्यांना सचिन तेंडुलकरने केले आवाहन; काय म्हणाला सचिन वाचा सविस्तर... 

मुंबई : कोरोनासारख्या संसर्गजन्य आजारावर सध्या कोणतेही ठोस औषधोपचार किंवा लस उपलब्ध नाही. त्यासाठी जगभरात कोरोनावरील औषधासाठी संशोधन सुरु आहे. मात्र, कोरोनावर मात करण्यासाठी सर्वात महत्वाची ठरली ती रुग्णांची प्रतिकारशक्ती. अनेक रुग्ण प्रतिकारशक्तीमुळे कोरोनातून बरेही झाले. अशा कोव्हिड विजेत्यांच्या प्लाझ्माचा वापर करून अत्यवस्थ रुग्णांवर प्लाझ्मा थेरपी केली जात आहे. त्याचेही परिणाम चांगले दिसत आहे. त्यामुळे अनेक कोव्हिड विजेत्यांना प्लाझ्मा दान करण्यासाठी पुढे येण्याचे आवाहन केले जात आहे. 

मिलिंद नार्वेकर यांची शिष्टाई यशस्वी, पारनेरच्या 'त्या' पाच नगरसेवकांची घरवापसी...

तुम्ही कोरोनाला हरवून यशस्वीपणे घरी परतलात, आता प्लाझ्मा थेरपीसाठी पुढे या! असे आवाहन मास्टरब्लास्टर सचिन तेंडुलकर याने कोव्हिड विजेत्यांना केले. गंभीर कोरोना रुग्णांवर प्लाझ्मा थेरपी थेरपी गुणकारी असल्याचे समोर आले आहे. त्यामुळे प्लाझ्मा थेरपी वाढवण्याचा निर्णय सरकारने घेतला आहे. पालिकेच्या सेव्हनहिल रुग्णालयात आज सचिनच्या उपस्थितीत प्लाझ्मा थेपरी सुरु करण्यात आली.

मास्क घातला नाही, गेल्या सहा दिवसात 'इतक्या' लोकांनी मोजले हजार रुपये

'आयसीएमआर'च्या परवानगीनुसार पालिकेच्या नायर, शीव, केईएम, कस्तुरबा रुग्णालयात प्लाझ्मा थेरपी सुरू करण्यात आली आहे. यामध्ये रुग्ण कोरोनामुक्त झाल्यावर ठराविक दिवस झाल्यानंतर त्याच्या रक्तातून प्रतिपिंडे मिळवण्यात येतात. प्रतिपिंडात तयार झालेल्या रोगप्रतिकारशक्तीमुळे कोरोनाला रोखता येते. मात्र यासाठी कोरोमुक्त झालेल्या रुग्णांनी अँटीबॉडी दान करण्यासाठी स्वत:हून पुढे येणे गरजेचे आहे. यासाठी पालिकेकडून कोरोनामुक्त झालेल्यांना आवाहन करण्यात येत आहे. 

लॉकडाऊनचा सकारात्मक परिणाम; ठाणे जिल्ह्यातील कोरोना रुग्णांच्या संख्येत घट...

प्लाझ्मा थेरपी गुणकारी असली, तरी प्लाझ्मा दान करण्यासाठी कोव्हिड विजेत्यांनी पुढे येणे गरजेचे आहे. जेव्हढे कोव्हिड विजेते पुढे येतील तेवढा लाभ बाधित रुग्णांना होणार आहे. पालिकेने आपल्या रुग्णालयांत सुरू केलेल्या प्लाझ्मा थेरपीला येत असलेले यश पाहून पालिकेच्या अंधेरी येथील सेव्हन हिल्स रुग्णालयातही प्लाझ्मा थेरपी सुरू करण्यात आल्याची माहिती अधिष्ठाता डॉ. बाळकृष्ण अडसूळ यांनी दिली.